Byakwamba Pakutambika Magazini

Kyamba kya Usopa Sept. 1

“Bantu bavula banemeka bingi kwikala na jizhina jawama. Bamo balanguluka ne byo bakebavulukanga umvwe bafwa. Nanchi mwakilangulukapo kala bino nyi? [Lekai akumbule, apa bino mutange Musapwishi 7:1.] Kino Kyamba kya Usopa kyaamba pa byo twakonsha kwikala na jizhina jawama ku meso a bantu ne ku meso a Lesa.”

Kyamba kya Usopa Sept. 1

“Umvwe Lesa kechi wasantanga pa mwingilo wetu ye twingila ne, abya mwalangulukapo mwingilo wetu byo akonsha kukatazha nyi? [Lekai akumbule] Mu Mika 6: 8, tufundamo Lesa byoakeba atweba kuba. [Tangai kinembelo] Ino magazini yalumbulula byo kikokolosha kupopwela Lesa wa byonkabye ubula kukeba kumwingijila mwingilo wakila bulume bwetu.”

Kyamba kya Usopa Sept. 1

“Bantu bavula balanguluka’mba nangwa kyakuba bipwilo bya bantu byaenda kupusana, bino ke mashindatu apusana aya na kusambakena kuntutu kumo. Kabiji bakwabo nabo baitabila’mba kujitu bupopweshi bumo bwakine. Abya mwakilangulukapo kala bino nyi? [Lekai akumbule.] Ino magazini yaamba pa kishimpi kyakala kyalumbulula jino jipuzho.” Lumbululai bishinka bikatampe biji mu Mateo 13:24-30.

Kyamba kya Usopa Sept. 1

“Mwakilangulukapo kala ene mambo o kyapelela kwamba amba twaketekela mwi Lesa kukila kwikumwesha mu byubilo byetu, kikatakata umvwe tuji mu makatazho nyi? [Lekai akumbule] Twafwainwa kumwesha mu byubilo kukila kwambangatu’mba twaketekela mwi Lesa. Umvwai kino kinembelo byo kyaamba [Tangai Masalamo 46:1] Mu ino magazini muji kibaba kimo kyaamba pa uno mutwe.”