Bya Kwamba pa Kusha Magazini

Kyamba kya Usopa Dec. 1

“Baibolo waamba kuba’mba kwikala na maana kwanema kukila kuya nkuwa ne kwikala bwikalo bwa ntentente. Nga anweba mwakilangulukapo kala byobyo nyi? [Lekai akumbule, apa bino mutange Musapwishi 7:12.] Ino Magazini yalumbulula maana a Lesa aji mu buku wa Musapwishi byo akonsha kupwisha makatazho amo, kwitulengela kwikala balusekelo luno ne mu kimye kya kulutwe.”

Awake Nov.

“Bantu bamo balanguluka kuba’mba Lesa ye ulengela bintu byonse kubiwa. Umvwe kwamweka bya malwa, bamo bamba ‘mba Lesa mwine wayuka ene mambo o alengela kuba’mba byubiwe. Nga anweba mulangulukapo’mba ka? [Lekai akumbule, apa bino mutange Yakoba 1:13.] Ino Magazini yamwesha Baibolo byo aamba pa bintu bilengela buyanji kabiji ne Lesa byo abena kuba pa kuba’mba ebufumyepo.”

Kyamba kya Usopa Dec. 1

“Nanchi mulanguluka’mba buno bungauzhi bwa mu Baibolo bubena kufikizhiwa mu ano moba nyi? [Tangai Mateo 24:11, apa bino muleke akumbule.] Ino Magazini yalumbulula pa mafunjisho amo ao abasampukile ne pakatele lelo jino. Kabiji ibena kumwesha ne byo twakonsha kuchinuzhuka kongolwa na bafunjishi ba bubela.”

Awake Dec.

“Ñanyi ye mwakonsha kusala kwikala Muntu mukatampe wajingako? [Lekai akumbule.] Bavula bamba kuba’mba Yesu ye muntu mukatampe wajingako. Byo aji Mfumu wa Bufumu bwa Lesa, monai bintu byo akobila ntanda. [Mweshai kipikichala kiji pa mapeja 8-9, kabiji ne kutanga kinembelo kimo kyamweshiwa. Ino Magazini yalumbulula kimye Yesu kyo akobilamo kino.”