Mutanchi Wa Kupwila Kwa Mwingilo

Mulungu wa Kutendeka February 12

Lwimbo 52

Mamini. 10: Bya kubijika bya pa kipwilo. Kwingijisha mashinda atanshi abiji aji pa peja 8 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya March 1 ne Awake! wa February. Mu kimwesho kimo, mweshai bya kulumbulwila bulongo muntu uchibikizha mwisambo bukiji bukiji na byambo bya kuba’mba “Kechi nkeba bya bupopweshi ne.”—Monai buku wa Ukupelulula mape. 16-17.

Mamini. 35: “Londololainga Byawamisha bya Yehoba.”a Jambiwe na mukulumpe utangijila mwingilo. Umvwe mwafika pa bishinka pafwainwa mukachi ka mwisambo, tongolai kimye ne mpunzha kukekela Kivuluko, lunengezho lukwabo lwa kupwila kwa kuya mu mwingilo wa mu bujimi ne kikonkwanyi kipwilo kyo kibikila kya bapainiya ba kukwasha bakengilako mu April.

Lwimbo 147 ne lulombelo lwa kupezhako.

Mulungu wa Kutendeka February 19

Lwimbo 198

Mamini. 5: Bya kubijika bya pa kipwilo.

Mamini. 20: “Londainga Mufunjishi Mukatampe pa Kwingijisha Buku wa Baibolo Ufunjisha.”b Pa kwisamba palagalafu 6, ubaipo ka kimwesho kepi ka kumwesha musapwishi ubena kwingijisha kabokoshi kaji ku mpelo ya kitango 6 mu buku wa Baibolo Ufunjisha kupituluka mu kitango na ye afunjisha Baibolo.

Mamini. 20: Nanchi Mwakonsha Kutendeka Lufunjisho lwa Baibolo mu March nyi? Kwisamba na luonde. Mu milungu itanshi ibiji ya March, tukashanga buku wa Baibolo Ufunjisha na mulanguluko wa kutendeka mafunjisho a Baibolo. Pitulukai mu mashinda aji mu kya mukachi kya Mwingilo Wetu wa Bufumu wa January 2006, mapeja 3-6. Kwingijisha jishinda jimo jiji pa peja 6 nangwa jishinda jikwabo jafwainwa mu nyaunda yenu, mweshai bya kutendeka lufunjisho lwa Baibolo pa lwendo lutanshi. Ipuzhai luonde lushimikizhepo byamwekele pa kwingijisha uno buku, kikatakata pa kutendeka mafunjisho a Baibolo.

Lwimbo 220 ne lulombelo lwa kupezhako.

Mulungu wa Kutendeka February 26

Lwimbo 29

Mamini. 10: Bya kubijika bya pa kipwilo. Tangai sawakya wa mali ne makalata a kuyukanyikisha’mba ofweshi wa musampi watambwijile mibingu yenu yo mwatumine. Kwingijisha mashinda abiji apelako aji pa peja 8 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya March 1 ne Awake! wa March. Mu kimwesho kimo, mweshai musapwishi ubena kusapwila mu nyaunda ya busulu.

Mamini. 15: “Kange Muvulameko Bantu Bakoka Ne.”c Vwangaimo ne byambo biji mu Kyamba kya Usopa kya May 1, 2004, mapeja 31-2, mapalagalafu 13-16.

Mamini. 20: “Londainga Kilishitu mu Mwingilo Wenu.”d Umvwe kimye kokiji, ambilai luonde kutanga ne kwambapo pa binembelo byamweshiwa.

Lwimbo 18 ne lulombelo lwa kupezhako.

Mulungu wa Kutendeka March 5

Lwimbo 32

Mamini. 15: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Bapai bonse baji mu luonde kope umo umo wa Bipepala bya kwichilapo bantu ku Kivuluko, kabiji pitulukaimo mu byo mwanengezha kupana bino bipepala mu nyaunda. Tundaikai bonse kukengilako pakatampe uno mwingilo. Ubaipo ne kimwesho kya kumwesha bya kwingijisha bino bipepala.

Mamini. 15: Kusapwila Mambo Awama mu Jishinda Jafwainwa. Jashi ne kwisamba na luonde kufuma mu buku wa Bakwatankana Kuba Kyaswa Muchima wa Yehoba, kutendekela pa kamutwe ka kacheche kaji pa peja 102 kufika kwapela kitango.

Mamini. 15: “Twapewa kya Buneme.”e Umvwe kimye kokiji, bulai luonde lwambepo pa binembelo byamweshiwa.

Lwimbo 104 ne lulombelo lwa kupezhako.

[Tubyambo twa mushi]