Bya Kubijika
◼ Mabuku a kusha mu March: Shai buku wa Baibolo Ufunjisha kabiji ne kwibikishako kutendeka mafunjisho a Baibolo. April ne May: Kukekala kushila bantu Kyamba kya Usopa ne Awake! Pa kubwelako ku bantu bamwesha lusekelo lwa kukeba kufunda, kubikapotu ne boba batanwa ku Kivuluko nangwa boba batanwako ku kupwila kukwabo bo tubula kupwila nabo jonse ne, bashilai buku wa Baibolo Ufunjisha, sa muji na nkebelo ya kutendeka lufunjisho lwa Baibolo. June: Shilai bantu buku wa Creator nangwa Insansa sha Lupwa.
◼ Bipwilo byafwainwa kupana magazini a bukumo a Kyamba kya Usopa ne Awake! ku basapwishi aku afikatu. Kino kikakwasha basapwishi kwiatanga saka bakyangye kwiasha mu bujimi.
◼ Mukulumpe utangijila nangwa mukwabo umo ye atongola wafwainwa kubala mali a kipwilo a bañondo ba December, January, ne February. Umvwe mwapwisha kubala, bijikai ku kipwilo pa kubijika sawakya mukwabo ukalondelapo wa mali.—Monai Amakambisho pa fya Kubomba na Maakaunti ya Cilonganino (S-27).
◼ Ofweshi wa musampi kechi utumina musapwishi bunke bwanji oda wa mabuku o akeba ne. Onkao mambo, basapwishi bafwainwa ku oda mabuku abo kupichila mu kipwilo. Mukulumpe utangijila mu kipwilo wafwainwa kunengezhanga kya kubijika ku kipwilo pa ñondo pa ñondo, pepala wa kuodelapo mabuku saka akyangye kutumwa ku musampi kuba’mba bonse bakeba mabuku a kyabo kyabo banembeshe ku mulongo utala pa mabuku. Mwane labijilai mabuku a oda wiikajila, ko kuba’mba afwainwatu kuodewa na kipwilo umvwe kuji bantu bamo babena kwiakeba. Mapepala a kuodelapo mabuku [Literature Orders (S-14)] afwainwa kutumwa bukiji bukiji pa ñondo pa ñondo.
◼ Bipwilo byafwainwa kutatula kuoda mabaundi volyumu a 2006 a Kyamba kya Usopa ne Awake!. Ano mabaundi volyumu akekalatu mu Kizungu kwapwa. Pa mutanchi wa kipwilo patanchikwa kibelengelo kya mabuku, ano mabaundi volyumu akanembwa amba bibena kwiya panyuma kufikila ne kimye kyo akekalako ne kwiatuma. Mabaundi volyumu ke bipe bya oda wiikajila.
◼ Bamingilo ba Mabuku bafwainwa kuyuka’mba matepu a Sing Praises On Cassette (csLsb-E) a mu bikwama bitanu a kwingijisha pa kupwila kwa kipwilo luno kechi ko aji a kuba’mba beaodenga ne. Bino bafwainwa kuoda ma Sing Praises on CD (cdsb-E) aji 8. Pano bino pa kino kimye kukiji matepu (#1-225) acheche a kupingizhapo inge paji aonaika. Umvwe ano matepu apwa, kechi kukekala kwiaoda jikwabo ne.