Mutachi Wa Kupwila Kwa Mwingilo
Mulungu wa Kutendeka June 11
Lwimbo 153
Mamini. 10: Bya kubijika bya pa kipwilo. Kwingijisha mashinda atanshi abiji aji pa peja 4, nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya July 1 ne Awake! wa June.
Mamini. 15: Bafunjishi ba Mambo a Lesa Bawaina Byonse. Jashi kufuma mu Kyamba kya Usopa kya March 1, 2002, mapeja 18-22. Bena Kilishitu bamo bakankazhama kutendeka kufunda Baibolo na bantu baji na lusekelo mambo bemona’mba kechi bafikapo kufunjisha muntu Baibolo ne. Nangwa byonkabyo, Yehoba witufunjisha kwikala bamwingilo kupichila mu Mambo anji, mupashi wanji wazhila ne jibumba janji. Nkebelo yetu kechi yo ya kushatu mabuku ne. Twafwainwa kwesekesha na ngovu kufunjisha bantu. (Mat. 28:19, 20) Tundaikai basapwishi kulabijila kikonkwanyi kyo baji nakyo kya kutendeka mafunjisho a Baibolo.
Mamini. 20: Byonse Kasa Mwibyubila Lukumo lwa Lesa. Jashi ne kwisamba na luonde kufuma mu buku wa Bakwatankana Kuba Kyaswa Muchima wa Yehoba, kitango 13.
Lwimbo 144 ne lulombelo lwa kupezhako.
Mulungu wa Kutendeka June 18
Lwimbo 217
Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu.
Mamini. 15: Byo Mwakonsha Kwikala Bulongo. Kwisamba na luonde kufuma mu Kyamba Kya Usopa kya January 1, 2007, mapeja 4-7.
Mamini. 20: “Twikala Balusekelo pa Kwingila na Ngovu mu Mwingilo wa Yehoba!”a Umvwe kimye kokiji, ambilai luonde lwambepo pa binembelo byamweshiwa.
Lwimbo 82 ne lulombelo lwa kupezhako.
Mulungu wa Kutendeka June 25
Lwimbo 15
Mamini. 10: Bya kubijika bya pa kipwilo. Tangai sawakya wa mali ne makalata a kuyukanyikisha’mba ofweshi wa musampi watambwijile bupe bwenu bo mwatumine. Kwingijisha mashinda abiji apelako aji pa peja 4 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya July 1 ne Awake! wa July.
Mamini. 15: Bibena kukebewa pa kipwilo.
Mamini. 20: “Nanchi Mwakonsha Kutwela mu ‘Kibelo Kikatampe
kya Kwingijilamo Mingilo Nyi’?”b Isambaiko pacheche na painiya wa kimye kyonse umo nangwa babiji. Lupimpu ka lo baubile pa kuba’mba bekale bapainiya ba kimye kyonse? Ñanyi mapesho o bamwenamo?
Lwimbo 138 ne lulombelo lwa kupezhako.
Mulungu wa Kutendeka July 2
Lwimbo 208
Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa June. Tongolai mabuku a kusha mu July, kabiji ne kumweshapo jishinda jimo.
Mamini. 15: Busapwishi bwa Kushukilwa—Ke Jishinda Janema ja Kusapwilamo Mambo Awama. Kwisamba na luonde kufuma mu buku wa Bakwatankana Kuba Kyaswa Muchima wa Yehoba, mapeja 101-2. Ambaipo mashinda amo engila a kusapwilamo busapwishi bwa kushukilwa. Ipuzhai luonde lushimikizhepo byamwekele byawama byo bataine kimye kyo basapwijilenga busapwishi bwa kushukilwa.
Mamini. 20: “Twajijilai na “Kupanga Bipangwa Byavula.”c Pa kwisamba palagalafu 4, ambaipo ne byambo biji mu kabokoshi kaji mu Kyamba kya Usopa kya February 1, 2003, pa peja 21, byaamba’mba, “Bya ‘Kupanga Bipangwa Saka Mwatekanya [Mwachinchika, NW]’”
Lwimbo 69 ne lulombelo lwa kupezhako.
[Tubyambo twa mushi]
a Ambaipo byambo bicheche bya kubula kupitaila pa miniti umo, apa bino mutendeke mwisambo wa mepuzho ne mikumbu.
b Ambaipo byambo bicheche bya kubula kupitaila pa miniti umo, apa bino mutendeke mwisambo wa mepuzho ne mikumbu.
c Ambaipo byambo bicheche bya kubula kupitaila pa miniti umo, apa bino mutendeke mwisambo wa mepuzho ne mikumbu.