Mutanchi Wa Kupwila Kwa Mwingilo

Mulungu wa Kutendeka August 13

Lwimbo 20

Mamini. 15: Bya kubijika bya pa kipwilo. Kwingijisha mashinda atanshi abiji aji pa peja 8 nangwa akwabo afwainwa mu nyaunda yenu, mweshai bya kusha Kyamba kya Usopa kya September 1 ne Awake! wa August. Mu kimwesho kimo, bulai musapwishi kwingijishapo jishinda jimo pa mashinda aji mu palagalafu 3 pa peja 3 ya uno Mwingilo Wetu wa Bufumu kwipuzha bwipuzho bwa kukeya kukumbula pa kukabwelako. Isambai “Kupwila kwa Kijiiji Kubena Kwiya.” Bijikai juba ja kupwila kwa kijiiji umvwe jayukanyikwa kala.

Mamini. 15: Kumwenamo Mu Kunekenena Lunengezho Lwa Lesa Lwa Bumutwe. Jashi ne kwisamba na luonde kufuma mu kitango 15 mu buku wa Bakwatankana Kuba Kyaswa Muchima wa Yehoba.

Mamini. 15: “Kupopwela Yehoba mu Bukisemi.”a Ipuzhai baji mu luonde bambe byo bamwenamo mu kwingijila pamo na kisemi mu mwingilo. Mwakonsha kubujila jimo umo nangwa babiji kwiya na kwambapo.

Lwimbo 48 ne lulombelo lwa kupezhako.

Mulungu wa Kutendeka August 20

Lwimbo 100

Mamini. 10: Bya kubijika bya pa kipwilo. Isambai “Juba ja Kupwila Kwiikajila Kubena Kwiya,” ne kubijika juba ja kupwila kwiikajila umvwe jayukanyikwa.

Mamini. 15: Tendekai Lufunjisho lwa Baibolo pa Lwendo Lutanshi mu Ñondo wa September. Kwisamba na luonde. Mu ñondo wa September tukashanga buku wa Baibolo Ufunjisha ne kwibikishako kwisamba mapalagalafu acheche na bena mazubo pa kimyetu kitanshi. Pitulukaimo mu mashinda aji mu kya mukachi kya Mwingilo Wetu wa Bufumu wa January 2006, ne kumweshapo kimwesho kimo nangwa bibiji bya kutendeka lufunjisho lwa Baibolo pa lwendo lutanshi.

Mamini. 20: “Lunengezho lwa Lufunjisho lwa Buku lwa Kipwilo byo Lwitukwasha.”b Pa kwisamba palagalafu 5, ambaipo ne pa byambo biji mu buku wa Bwakwatankana, peja 41, palagalafu 2.

Lwimbo 6 ne lulombelo lwa kupezhako.

Mulungu wa Kutendeka August 27

Lwimbo 98

Mamini. 10: Bya kubijika bya pa kipwilo. Tangai sawakya wa mali ne makalata a kuyukanyikisha’mba ofweshi wa musampi watambwijile mibingu yenu yo mwatumine. Kwingijisha mashinda apelako abiji aji pa peja 8 nangwa akwabo afwainwa mu nyaunda yenu, mweshai bya kusha Kyamba kya Usopa kya September 1 ne Awake! wa September

Mamini. 10: ‘Bumpanyi Busangajika Lesa.’ Jashi jambiwe na mukulumpe mu kipwilo kufuma mu Kyamba kya Usopa kya June 1, 2003, mapeja 4-7.

Mamini. 25: “Kikonkwanyi Kyanema kya Mwaka wa Mwingilo Ubena Kwiya.”c Ipuzhaipo umo nangwa babiji baingijilepo katataka bupainiya bwa kukwasha. Bapimpwile byepi mutanchi wabo? Bamwenejilemo byepi? Umvwe po aji, umo wa pa bano bo mubena kwipuzha wakonsha kwikala yewa waingijile bupainiya bwa kukwasha na mambo a bukwasho ne lutundaiko kufuma ku bakwabo mu kisemi. Pa kwisamba palagalafu 9, tongolai moba a kufwakasha kwa mukulumpe wa kijiiji umvwe ayukanyikwa.

Lwimbo 196 ne lulombelo lwa kupezhako.

Mulungu wa Kutendeka September 3

Lwimbo 50

Mamini. 10: Bya kubijika bya pa kipwilo ne byasalululwa mu Mwingilo Wetu wa Bufumu. Vululaiko basapwishi kuleta masawakya a mwingilo wa mu bujimi wa August.

Mamini. 15: “Tunemeka Mashuko Etu a Mwingilo!”d Umvwe kimye ko kiji, tundaikai luonde kwambapo pa binembelo byamweshiwa.

Mamini. 20: “Bya Kutendeka Mafunjisho a Baibolo ku bo Tushila Magazini.”e Ubaipo ne kimwesho kimo kipi kwingijishapo jishinda jimo pa mashinda aji mu palagalafu 2. Vululaiko basapwishi kuba’mba bakonsha kutuma sawakya wa lufunjisho lwa Baibolo umvwe bafunda bimye bibiji na yewo muntu kabiji umvwe paji bishinka bya kuba’mba lufunjisho lukatwajijila.

Lwimbo 2 ne lulombelo lwa kupezhako.

[Tubyambo twa mushi]