Bya Kubijika

◼ Mabuku a kusha mu September: Buku wa Nanchi Baibolo Kine Ufunjisha’mba Ka? Ibikaiko kutendeka mafunjisho a Baibolo pa lwendo lutanshi. Umvwe mwina nzubo uji nanji uno buku, mubulai byo akonsha kumwenamo kupichila mu kumumweshako pacheche bya kufunda lufunjisho lwa Baibolo. October: Shai Kyamba kya Usopa ne Awake! Umvwe muntu wamwesha lusekelo, mumweshai ne kwisamba nanji mu katalakiti ka Nanchi Mukeba Kuyuka Byavula pa Mambo a Baibolo Nyi? na nkebelo ya kutendeka lufunjisho lwa Baibolo. November: Buku wa Fundai ku Mufunjishi Wayukisha. Umvwe muntu waamba’mba baana ufwabo, mushilai buloshuwa wa Labainga Mukenkentenga! December: Buku wa Umuntu Wakulisha Uwabalile Abako Uwa Mweo. Umvwe mufwaye, mwakonsha kusha buku wa Fwenyai Kwipi ne Yehoba nangwa wa Insansa Sha Lupwa.

◼ Bipwilo byafwainwa kutatula kuoda mabaundi volyumu a Kyamba kya Usopa ne Awake! a 2007, Watch Tower Publications Index 2007 kabiji ne Watchtower Library—2007 Edition on CD-ROM pa kukaodanga mabuku jikwabo. Mwane yukai’mba Watchtower Library—2007 Edition inengezhewelwatu basapwishi babatizwa mu kipwilo kabiji yafwainwa kuodewatu kupichila mu kipwilo.

◼ Vidyo ya Jehovah’s Witnesses—Organized to Share the Good News ikafunjiwa pa kupwila kwa mwingilo mu December. Bipwilo byabula ino vidyo byakonsha kwisamba pa byambo biji mu buloshuwa wa Inte sha kwa Yehova—Ni Bani? Finshi Basuminamo? pa mapeja 6, 19 ne 22. Umvwe mubena kukeba bino bintu, mwakonsha kwibioda bukiji bukiji kupichila mu kipwilo.

◼ Jashi jiikajila ja mvula bantu ja kimye kya Kivuluko kya mu 2008 jikambiwa mu mulungu wa March 31, 2008. Mutwe wa jino jashi ukabijikwa kimye kikwabo. Bipwilo byonse byo bakafwakeshanga ku mukulumpe wa kijiiji nangwa bikekala na kupwila kwa kijiiji nangwa kwa juba jimo mu uno mulungu, bikekala na jino jashi mulungu ukalondelapo. Kafwako kipwilo kyafwainwa kwamba jino jashi jiikajila mulungu wa March 31, 2008 saka akyangye kufika ne.

◼ Mukulumpe utangijila nangwa mukwabo umo ye atongola wafwainwa kubala mali a kipwilo a bañondo ba June, July ne August. Umvwe wapwisha kubala, bijikai ku kipwilo panyuma ya kubijika sawakya mukwabo wa mali.—Monai Mikambizho ya bya Kubala Mali a Kipwilo (S-27).

◼ Bipwilo byafwainwa kutatula kuoda Kinembelo kya mwaka wa 2008. Kinembelo kya mwaka kikekalako mu Kichewa, Kitonga, Kibemba, Kizungu, Kikaonde, Kilunda, Kilubale, Kiloshi ne Kiswahili. Mutengo ke K3,000.00 kimo, kabiji mwafwainwa kwikioda ne kulipila mali kwingijisha pepala wa S-20, kunemba bulongo’mba “KINEMBELO KYA MWAKA” pa kishilwa kiikajila ne kutongola mulaka ye mukeba. KANGE MUODELE PA PEPALA WA S-14 NE. Bipwilo byakonsha kuodatu kipabi kimo panembwa kinembelo kya mwaka mu mulaka yekingijisha. Bipwilo byafwainwa kulamika kino kipabi kya Kinembelo kya mwaka pa January 1, 2008.

◼ Kimye kimo ofweshi wa musampi utambwila S-14 ne Maoda a Kipwilo (M-202) pabula kunembwa jizhina ja Kipwilo ne nambala yakyo. Onkao mambo, kikatazha bingi kukeba kuyuka bañanyi baoda ano mabuku. Kino ke kya kuvululako Munembeshi mu kipwilo kuba’mba wafwainwa kumona’mba jizhina ja Kipwilo ne nambala yakyo byanembwa pa ano mapepala saka akyangye kusaina ne kutuma.

◼ Binyu bya Kivuluko: Bipwilo biji mu mapunzha a mu mizhi byakonsha kutatula kuoda binyu kyonka kino kimye. Tumai mali ne kunemba Pepala wa Kutuminapo Mali (S-20) wiikajila. Nembai bulongo pa kishilwa’mba “MALI A BINYU.” KANGE mutume nkalata nangwa Pepala wa S-14 ne, tumaitu S-20 kyapwa. Umvwe mwabula kutuma mali, kechi mukatambwila binyu ne. Kabokoshi kamo ka 500ml kaji pa mutengo wa K10,000.00. Juba ja kupezhako kutambwila maoda a binyu ke December 31, 2007. Binyu bikatumwa mu February 2008.

◼ Mabuku akatataka ajipo:

“Binembelo Byonse”—Bya Kine Kabiji Byawama—2008 (bsi08)—Mu Kitonga, Kikaonde ne Kilubale

‘Yainga na Kwibasambisha Baluke ke Baana ba Bwanga, ne Kwibabatiza’—Kilunda (kabuku kanengezhiwa kukwasha bakatataka kubatizwa)

Ukusesema kwa kwa Esaya—Ulubuuto lwa Bantu Bonse I—Kitonga

Fundai ku Mufunjishi Wayukisha—Kikaonde