Mutanchi Wa Kupwila Kwa Mwingilo

Mulungu wa Kutendeka February 11

Lwimbo 168

Mamini. 10: Bya kubijika bya pa kipwilo. Kwingijisha mashinda atanshi abiji aji pa peja 8 nangwa akwabo afwainwa mu nyaunda yenu, mweshai bya kusha Kyamba kya Usopa kya January–March ne Awake! wa February.

Mamini. 15: Nanchi Mwakonsha Kuya na Kwingijila Kuji Kukajilwa Kukatampe nyi? Jashi ne kwisamba na luonde kufuma mu Kyamba kya Usopa kya Kibemba kya August 1, 2003, peja 20. Ambaipo ne pa byambo biji mu buku wa Bakwatankana peja 111, palagalafu 1 kufika ku peja 112, palagalafu 1. Ipuzhaiko pacheche basapwishi bakiyapo kala na kwingijila ku mpuzha kuji kukajilwa kukatampe. Makatazho ka o bapichilemo, kabiji beashinjile byepi? Bintu ka byawama byo bamwenejilemo? Umvwe kimye ko kiji, ambaiko pacheche byambo biji mu nkalata ya January 4, 2008, yatuminwe ku bipwilo byonse.

Mamini. 20: Kwashai Bakatataka Kwikala Basapwishi. Panyuma ya kwambapo byambo bitanshi bya kubula kupitaila pa miniti umo, tendekai mwisambo wa mepuzho ne mikumbu kufuma mu Kyamba kya Usopa kya December 1, 2005, peja 31, kwingijisha mepuzho a lufunjisho aipuzhiwa. Panyuma ya kwisamba palagalafu 18, mweshaipo kimwesho kibena kumwesha mwina nzubo ubena kuzhinauka bibena kwamba musapwishi wakatataka ubena kwingila na musapwishi wapijilwa. Mukumbu ye akumbula musapwishi wakatataka kechi wafikilamo bulongo ne, kabiji mwina nzubo wachibikizha ne mwisambo. Byo bafumako ku yoyo nzubo, musapwishi wapijilwa watakaika musapwishi wakatataka pa kwibikako kwanji, apa bino wabwela keamumweshe byo afwainwa kwingijisha buku wa Ukupelulula pa kukakumbula muntu ukachibikizha mwisambo mu kimye kya kulutwe.

Lwimbo 50

Mulungu wa Kutendeka February 18

Lwimbo 17

Mamini. 10: Bya kubijika bya pa kipwilo. Bya kubijika byo mwasalulula mu Mwingilo Wetu wa Bufumu.

Mamini. 10: Bibena kukebewa pa kipwilo.

Mamini. 25: “Kiyukilo Kya Lwitabilo Lwakosa!”a Jambiwe na mukulumpe utangijila mwingilo. Pezhaiko kupichila mu kwambapo pa mwingilo wawama ye kyaingijile kipwilo mu mwaka wa mwingilo wapwa.

Lwimbo 194

Mulungu wa Kutendeka February 25

Lwimbo 81

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa February. Tangai sawakya wa mali ne sitetimenti ya kuyukanyikisha’mba mibingu yenu yafikile. Mweshai bya kwita wakilongo nangwa wa kinkalankulo kwingijisha tubipepala twa kwichilapo bantu ku Kivuluko.

Mamini. 20: “Kuvuluka Bukuzhi na Lusanchilo.”b Umvwe kimye ko kiji, ambilai luonde kwambapo pa binembelo byamweshiwa.

Mamini. 15: Inengezhai Kusha Magazini Akatataka. Kwisamba na luonde. Panyuma ya kwambako pacheche pa Kyamba kya Usopa kya March 1 ne Awake! wa March, ipuzhai luonde batongolepo bibaba bimo byo bakonsha kutemwa bantu mu nyaunda kabiji ne ene mambo o bakonsha kwibitemenwa. Bambilai bambepo bishinka bimo biji mu bibaba byo bakeba kukamwesha bantu pa kusha ano magazini. Bwipuzho ka bwakonsha kwipuzhiwa kutendekelamo mwisambo? Kinembelo ka kyakonsha kutangiwa kiji mu kyokyo kibaba? Kwingijisha mashinda apelako abiji aji pa peja 8, mweshai bya kusha Kyamba kya Usopa kya January–March ne Awake! wa March.

Lwimbo 119

Mulungu wa Kutendeka March 3

Lwimbo 223

Mamini. 10: Bya kubijika bya pa kipwilo. Pitulukai mu bishinka bikatampe biji mu kabokoshi ka “Bya Kuvululako bya pa Kivuluko.”

Mamini. 20: Nanchi Mwakonsha Kutendeka Lufunjisho lwa Baibolo mu March Nyi? Kwisamba na luonde. Mu March tukashanga buku wa Baibolo Ufunjisha na nkebelo ya kutendeka mafunjisho a Baibolo. Ambaipo pa mbaji imo yawama iji mu uno buku. Isambai byo twakonsha kumusha ku muntu wamwesheshe lusekelo kimye kyo twamushijile kapepala ka kwichilapo bantu ku Kivuluko pa kubwelako panyuma ya kumushila magazini, kabiji ne mu mwingilo wa ku nzubo ne nzubo panyuma ya 22 March. (Monai km-KD 8/07 pe. 3; km-KD 3/06 pe. 1, pala. 3; km-KD 1/06 pe. 3-6.) Mweshaipo kimwesho kimo nangwa bibiji.

Mamini. 15: Ingijishainga Baibolo pa Kukumbula Mepuzho. Jashi ne kwisamba na luonde kufuma mu buku wa Isukulu lya Butumikishi, mapeja 143-4. Mweshaipo ne kimwesho kya musapwishi ye babena kwipuzha bwipuzho bantu ba mu yoyo nyaunda bo bepuzhapo javula, apa bino engijishe Baibolo pa kukumbula bobo bwipuzho.

Lwimbo 145

Ambaipo byambo bicheche bya kubula kupitaila pa miniti umo, bino pa mutendeke mwisambo wa mepuzho ne mikumbu.

[Tubyambo twa mushi]