Mutanchi Wa Kupwila Kwa Mwingilo

YUKAI’MBA: Mu Mwingilo Wetu wa Bufumu mukatanchikwa Kupwila kwa Mwingilo kwa mulungu ne mulungu mu bañondo ba kupwila kwa nkambi. Bipwilo byafwainwa kupimpula mutanchi wabyo kuba’mba bikatanwe ku Kupwila kwa Nkambi kwa “Tangijilwainga na Mupashi wa Lesa.” Umvwe kibena kukebewa, ingijishai maminiti 15 a mu Kupwila kwa Mwingilo kwapelako saka mukyangye kuya ku kupwila kwa nkambi kuba’mba mupituluke jibiji mu mafunde ne bya kuvululako byakonsha kwingila koko kwenu biji mu kyamukachi kya Mwingilo Wetu wa Bufumu wa March 2008 ne kya uno ñondo. Pa kupitapo ñondo umo nangwa babiji panyuma ya kupwila kwa nkambi, ingijishaipo maminiti 15 kufika ku 20 pa Kupwila kwa Mwingilo (mwakonsha kwingijisha kimye kiji pa lubaji lwa bibena kukebewa pa kipwilo) kupituluka mu bishinka bikatampe bya kupwila kwa nkambi basapwishi byo batana’mba bibena kwibakwasha bingi mu mwingilo. Kuno kupitulukamo kwafwainwa kubiwa na mukulumpe utangijila mwingilo. Ipuzhai luonde kwambapo byo babena kwingijisha bino byambo mu mwingilo wabo nangwa byo bakebingijisha.

Mulungu wa Kutendeka July 14

Lwimbo 126

Mamini. 10: Bya kubijika bya pa kipwilo. Kwingijisha mashinda atanshi abiji aji pa peja 8 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya July–September ne Awake! wa July.

Mamini. 15: ‘Ikalai Bakumwenako Bamingilo Yawama.’a Ipuzhai mepuzho anembwa. Ambishaipo pa byo kyawamina kulondela bintu byo banengezha kuba’mba tumwenemo. Londololai ene mambo o kyanemena kwikala na byubilo byawama.

Mamini. 20: “Kufunda buku wa Ukusesema kwa kwa Daniele.”b Mepuzho ne Mikumbu. Ambaipo pacheche byo twafwainwa kumwenamo mu kufunda buku wa mu Baibolo wa Danyela. (Monai kitango 1, jifuka 15-17, mu buku wa Ukusesema kwa kwa Daniele.) Tundaikai bonse kutanwanga kimye kyonse ku Lufunjisho lwa Buku lwa Kipwilo.

Lwimbo 147

Mulungu wa Kutendeka July 21

Lwimbo 197

Mamini. 8: Bya kubijika bya pa kipwilo. Bya kubijika byo mwasalulula mu Mwingilo Wetu wa Bufumu. Vululaiko luonde kukeya na Kyamba kya Usopa kya July–September ne Awake! wa August ku Kupwila kwa Mwingilo mulungu ubena kwiya, kabiji ne kwinengezha kukesamba pa mashinda a kwambilamo na bantu afwainwa mu nyaunda yenu.

Mamini. 17: “Kimye kya Kujishiwa kwi Yehoba ne Kusangalala ku Mupashi.”c Jambiwe na munembeshi mu kipwilo. Tongolai kupwila kwa nkambi kukaya na kupwila kipwilo kyenu. Pitulukai mu kabokoshi ka kuba’mba “Bya Kuvululako bya Kupwila kwa Nkambi.”

Mamini. 20: “Kunengezha Kukwasha Bingi pa Kubwelako.”d Mu maminiti ana, mweshai musapwishi ubena kwambatu bunke byo abena kunengezha bya kubwelako. Apituluke mu byo anembele kabiji ne kufuukulapo’mba wafwainwa kubwelako ku bantu babiji ku mpelo ya mulungu. Apa bino, pa bano bantu babiji alanguluke pa byo besambilepo kunyuma, amone ene mambo o abena kubwelelako ne kunengezha bya kuya na kwamba. Ku muntu umo, anengezhe bya kutendeka lufunjisho lwa Baibolo. Ku mukwabo, anengezhe bya kumulengela kwikala na kizaku kya kufunda kupichila mu kwingijisha jishinda jiji mu jifuka 5.

Lwimbo 189

Mulungu wa Kutendeka July 28

Lwimbo 6

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa July. Tangai sawakya wa mali ne sitetimenti ya kuyukanyikisha’mba mibingu yenu yafikile. Tongolai mabuku a kusha mu August kabiji mweshaipo ne kimwesho.

Mamini. 15: Kwikala Bajimuka. Jashi jaambiwe na kizaku, kufuma mu Kyamba kya Usopa kya January 1, 2007, peja 12, mafuka 17-21.

Mamini. 20: Inengezhai Kusha Magazini Akatataka. Jashi ne kwisamba na luonde. Panyuma ya kwambako pacheche pa Kyamba kya Usopa kya July–September ne Awake! wa August, ipuzhai luonde batongolepo bibaba bimo byo bakonsha kutemwa bantu mu nyaunda kabiji ne ene mambo o bakonsha kwibitemenwa. Bambilai bambepo mashinda a bya kushilamo ano magazini kwingijisha bibaba byo basala. Bwipuzho ka bwakonsha kwipuzhiwa kutendekelamo mwisambo? Kinembelo ka kyakonsha kutangiwa kiji mu kyokyo kibaba? Kwingijisha mashinda aji mu Mwingilo Wetu wa Bufumu nangwa mashinda akwabo o lwaambapo luonde, mweshai bya kusha Kyamba kya Usopa ne Awake!

Lwimbo 106

Mulungu wa Kutendeka August 4

Lwimbo 222

Mamini. 10: Bya kubijika bya pa kipwilo.

Mamini. 15: “Kumwesha Lusanchilo pa Mwingilo Wetu”e

Mamini. 20: “Tubena Kukundula Masakwa Akosa.”f Ambilai luonde kwambapo pa boba bebafunjishenga Baibolo byo batekenye kwibakwasha kusankilapo bintu bya bupopweshi bwa bubela byo baitabilemo.

Lwimbo 83

[Tubyambo twa mushi]