Ikalai Bakumwenako Bamingilo Yawama
1. Mambo ka o twafwainwa kuteshako muchima ku byubilo byetu pa kupwila kwa nkambi?
1 Umvwe twapwila pamo pa kupwila kwa nkambi, bantu betutala bamona byubilo byetu ne bintu byotubila bakwetu. Onkao mambo, atweba bonse pa muntu pa muntu twafwainwa kuteshako muchima ku lujimuno lwa mu Baibolo lwa kuba’mba: ‘Ikalai ba michima yatekanya: mu bintu byonse mwimweshe anwe bene ke kya kumwenako kya mingilo yawama.’ (Titu. 2:6, 7) Kwibikako kukebewa bingi pa kuba’mba atweba ‘bonse pa muntu pa muntu, tubule kutesha muchima ku bintu byetu byonka, kana ne ku bya bakwetu pamo.’ (Fili. 2:4) Twayai tumone mbaji imo mo twakonsha kwingijishisha luno lutundaiko pa Kupwila kwetu kwa Nkambi kubena kwiya kwa “Tangijilwainga na Mupashi wa Lesa.”
2. Ki ka kyo twakonsha kuvulukanga pa mambo a kuba busulu pa mpunzha ya kupwila?
2 Busulu: Byo bayuka’mba bantu bavula beya na kutanwa ku kupwila kechi bonse bakonsha kwikala na makamela ne, bamo boba busulu bwa kukopa bipikichala pa kupwila kwa nkambi ne pa kupwilatu kukwabo kwa bantu ba Yehoba. Kechi kyatama kukopa bipikichala pa kuno kupwila konse kwikalako ne. Pano bino, bavula bakopa bino bipikichala, boba bino na mulanguluko wa kukeba kumwenamo nsubu, ne mu jino jishinda twakonsha kwamba’mba boba busulu. Onkao mambo, pa kuba’mba kino kibule kutamisha jizhina jawama ja kupwanañena pamo ku mupashi kwa bena Kilishitu, kange tukopwenga bipikichala ku babena kuba busulu ne. Kino kyavwangamo ne mingilo ikwabo ya busulu. Nkebelo ya kupwila kwetu pamo, ke ya kupopwelatu Yehoba kwapwa, kuja ku tebulu wanji wa ku mupashi, kabiji ne ‘kwikosesha atwe bene na bene.’—Loma 1:11, 12.
3, 4. Twakonsha byepi ‘kubila bantu bonse byawama’ pa mpunzha ya kupwila?
3 Kutesha muchima ku bakwetu kwakonsha kumwekela mu byo twafwainwa kusunga mpunzha ya kupwila kwikala ya butooto. Mwaka wapwa, kyawamine bingi pa kumona bisemi byo byaikele mu mutende ne na butooto. Bakulumpe bavula ne banyike baingijile bingi mwingilo wa kutolaula biswaswa, bipepala, ma pulasitiki ne kajo kashalapo kukebitaya mu ngungulu ne mu bimbo byapoyewe. Ee kine, bantu ba ino ntanda bakonsha kutalangapotu pa busaji, bino atweba byo tuji ba butooto, tuwamisha mapunzha etu po tupwila, kunemeka mpopwelo yetu kabiji kino kimwesha’mba twafwenya kwipi ne Lesa wazhila, aye Yehoba.—Levi. 19:2; 2 Ko. 7:1.
4 Abya mumona byolonyi bingijishiwa na bantu bavula byo bikala bya busaji kabiji bya kukankalwa kutwelamo na mambo a kwibingijisha bibi ne kwibitamisha nyi? Kusha byolonyi saka biji bya butooto panyuma ya kwibingijisha, ke jishinda jikwabo ja kumwesheshamo’mba ‘tubila bantu bonse byawama.’ (Nga. 6:10) Muzhilo wa Lesa ku bena Isalela pa mambo a kuzhiika malabishi a munda wayukanyikilwe bingi ne kupela kulondela. Muntu yense pa kuya kungye, patanshi wafwainwe kupoya ka kimbo kabiji ne kuzhiikamo malabishi a munda. (Mpitu. 23:12, 13) Uno muzhilo wa kala ukingila ne lelo jino kabiji bavula bekala na butuntulu bwa mubiji bwawama na mambo a kumulondela. Kukokela mizhilo ya Yehoba mu bukishinka kuleta bingi mapesho kimye kyonse kabiji kwitupusanyako bingi na bantu ba ino ntanda.—Mpitu. 28:9, 10.
5, 6. Baana bakonsha kupa byepi Yehoba lukumo kabiji bansemi baji na ñanyi mwingilo?
5 Bansemi ne Baana: Mu ino ntanda muji bakyanyike babula kwilama, baana betu bapusanako, kabiji kino kipana lukumo kwi Yehoba ne ku jibumba janji. Pano bino, bimye bimo pekala makatazho na mambo a kubula kusopa baana bulongo. (Mana. 29:15) Bansemi kechi bafwainwa kusha baana babo bunke pa mpunzha ya kupwila kwa nkambi ne.
6 Bansemi bamo babujila jimo baana babo byubilo byo bafwainwa kumwesha kupwila saka kukiji kulutwe. (Efi. 6:4) Bakwasha baana babo kumvwisha kuba’mba butemwe bwa bwina Kilishitu bwa kine kechi ‘buba bya bumvu’ nangwa ‘kwikebela bintu ne.’ (1 Ko. 13:5) Kupwila kwa nkambi ke kimye kyanengezhiwa kufunjishiwamo kwi Yehoba, kabiji bakulumpe ne banyike bakonsha kumwesha’mba banemeka luno lunengezho kupichila mu byubilo byabo byo bamwesha pa mpunzha ya kupwila kabiji ne kukwabotu.—Isa. 54:13.
7. Byubilo byetu byawama byakonsha kulengela bantu kuba ka?
7 Byubilo byetu byawama byakonsha kufumyapo milanguluko yatama bantu yo betulangulukila kabiji byakonsha ne kwibakebwila ku mpopwelo ya kine. (Mat. 5:16; 1 Pe. 2:12) Lekai byubilo byetu bikapane bukamonyi ku boba bonse bo tukamonañana nabo pa kupwila kwa nkambi. Mu jino jishinda, ‘tukemwesha atwe bene ke kya kumwenako kya mingilo yawama’ ne kuba’mba tubena kutangijilwa na Mupashi wa Lesa.—Titusa 2:7.
[Kitenguluzha pa peja 5]
Langulukilaingako Bakwenu
◼ Kechi mwafwainwa kuba busulu ne
◼ Sungai nsakwa ne byolonyi kwikala bya butooto
◼ Sopainga bulongo baana benu
[Kitenguluzha pa peja 7]
Angweniko ku Kusesema kwa kwa Daniele! Mutanchi wa Lufunjisho Kutendeka pa August 4, 2008, kufika pa October 12, 2009.
MULUNGU WA BITANGO MAFUKA BYEPELO BYA KUFUNDAMO
Aug. 4 1 1-18
11 1-15
18 16-32
25 3 1-14 Dan. 1:1-7
Sep. 1 15-26 Dan. 1:8-15
8 27-37 Dan. 1:16-21
15 4 1-11 Dan. 2:1-39
22 12-24* Dan. 2:39, 40
29 25-36 Dan. 2:41-49
Oct. 6 5 1-17 Dan. 3:1-18
13 18-25* Dan. 3:19-30
20 6 1-5 Dan. 4:1-9
27 6-14 Dan. 4:10-27
Nov. 3 6 15-21 Dan. 4:28-37
10 22-29 Dan.
17 7 1-6 Dan. 5:1-4
24 7-16 Dan. 5:5-23
Dec. 1 17-22 Dan. 5:24-29
8 23-28 Dan. 5:30, 31
15 8 1-6 Dan. 6:1-5
22 7-16 Dan. 6:6-17
29 17-22 Dan. 6:18-27
2009
Jan. 5 23-29 Dan. 6:28
12 9 1-7 Dan. 7:1-3
19 8-14 Dan. 7:4-6
26 15-19 Dan. 7:7
Feb. 2 12 20-25 Dan. 7:8
9 26-32
16 33-40 Dan. 7:9-28
23 10 1-9 Dan. 8:1-4
Mar. 2 10-15 Dan. 8:5-8
9 16-23 Dan. 8:9-12
16 24-30 Dan. 8:13, 27
23 11 1-6 Dan. 9:1-11
30 7-12 Dan. 9:12-23
Apr. 6 13-20 Dan. 9:24, 25
13 21-30 Dan. 9:26, 27
20 12 1-8 Dan. 10:1-3
27 9-13 Dan. 10:4-8
May 4 14-22 Dan. 10:9-21
11 13 1-7 Dan. 11:1, 2
18 8-15 Dan. 11:3, 4
25 16-22 Dan. 11:5-8
June 1 23-30 Dan. 11:9-16
8 31-36 Dan. 11:17-19
15 14 1-6 Dan. 11:20
22 7-15 Dan. 11:21-24
29 16-20 Dan. 11:25, 26
July 6 21-27
13 15 1-9 Dan. 11:27, 28
20 10-19 Dan. 11:29, 30
27 20-25 Dan. 11:31
Aug. 3 16 1-10 Dan. 8:32-35
10 11-17 Dan. 11:36-41
17 18-22 Dan. 11:42-45
24 23-28
31 17 1-7 Dan. 12:1
Sep. 7 8-14 Dan. 12:2-4
14 15-23 Dan. 12:5-11
21 24-29 Dan. 12:12
28 18 1-9 Dan. 12:13
Oct. 5 10-17
12 18-27
Tangai ne kwisambapo byambo byanungwako pa kupituluka mu mafuka nangwa mepuzho abena kwamba pa byobyo byambo. Kya kumwenako, kabokoshi ka kuba’mba “Indimi Shabomfiwe” (pe. 26 mu buku wa bisopelo bicheche, kabiji pa peja. 32-3 mu wa mu bisopelo bikatampe) kafwainwa kwisambiwapo mu kitango 2 ne bwipuzho buji mu jifuka 25 (c). Isambai pa machati ne bipikichala biji mu buku umvwe mwafika pa bishinka biji mu lufunjisho byakwatankana na bino. Mwane yukai’mba buku uji na bisopelo bikatampe kechi uji na bipikichala nangwa machati aji pa peja 56, 139, ne 188-9 biji mu buku wa bisopelo bicheche ne. Ku mpelo ya lufunjisho lwa mulungu ne mulungu, tangai ne kwisambapo pa “byepelo bya kufundamo” kufuma mu buku wa Danyela, umvwe kimye kokiji.
* Mwakonsha ne kupitulukamo mu “byepelo bya kufundamo” kufuma mu mulungu wafumako, umvwe kimye kokiji.