Mutanchi Wa Kupwila Kwa Mwingilo

Mulungu wa Kutendeka November 10

Lwimbo 205

Mamini. 10: Bya kubijika bya pa kipwilo. Ipuzhai mukulumpe utangijila mwingilo ambepo pa mambo a kipwilo byo kyaingijile mwingilo wa kusampanya nyaunda yonse talakiti wa Nanchi Mukeba Kuyuka Bukine Nyi? Byo kiji kuba’mba basapwishi bavula batendeka kala kusha Kyamba kya Usopa kya October–December ne Awake! wa November, ipuzhai luonde kwambapo mashinda o baingijishe pa kuba’mba mufume bintu byawama.

Mamini. 15: Ikalai na Muchima wa Butemwe ne Bumpanyi. Jashi na mukulumpe mu kipwilo kufuma mu Kyamba kya Usopa kya November 15, 2008, mapeja 6-7.

Mamini. 20: “Tuji na bya Buneme byo Twafwainwa Kubulako Bantu.”a Pa kwisamba jifuka 2, ipuzhai luonde bambepo bukine bwa mu Baibolo bumo bwibakebwijile ku jibumba ja Yehoba nangwa bo baumvwisha kufuma kimye kyo babatizwe.

Lwimbo 71

Mulungu wa Kutendeka November 17

Lwimbo 80

Mamini. 10: Bya kubijika bya pa kipwilo. Bya kubijika byo mwasalulula mu Mwingilo Wetu wa Bufumu.

Mamini. 15: Kabokoshi ka Mepuzho.b Kino kibaba kibena kwamba pa kuchipisha masongola obiwa na muntu waitabizhiwa na kafulumende pa Nzubo ya Bufumu yaitabizhiwa kubilamo bino nangwa pa mpunzha ikwabo yaitabizhiwa na kafulumende. Byonka byo kyaambiwa mu Kyamba kya Usopa kya November 1, 2006, mafunde a kwingijisha Nzubo ya Bufumu engila ne ku bantu babena kwisongola bakeba kwiingijisha kwambilamo jashi ja masongola panyuma ya masongola a kisemwa nangwa panyuma ya masongola obiwa na kafulumende aubijilwe kungi.

Mamini. 20: “Mwakonsha Kwikala Mufunjishi!”c Ipuzhaipo musapwishi nangwa painiya walekele kwizhinauka’mba kechi wakonsha kutangijila lufunjisho lwa Baibolo ne. Waketekejile byepi mu bukwasho bwa Yehoba? Mu ñanyi mbaji imo jibumba mo jamukwashisha kwingila bulongo? Bintu ka byawama byo amwenamo mu kwingilako mwingilo wa kufunjisha bantu Baibolo?

Lwimbo 143

Mulungu wa Kutendeka November 24

Lwimbo 217

Mamini. 10: Bya kubijika bya pa kipwilo. Tangai sawakya wa mali ne nkalata ya kuyukanyikisha’mba mibingu yenu yafikile. Tongolai mabuku a kusha mu December, kabiji ubaipo ne kimwesho kimo nangwa bibiji kya kumwesha bya kwiasha.

Mamini. 20: Bibena kukebewa pa kipwilo.

Mamini. 15: Inengezhai Kusha Kyamba kya Usopa kya October–December ne Awake! wa December. Ambaiko pacheche pa magazini onse abiji ne kwipuzha luonde batongolepo bibaba bimo byo bakonsha kutemwa bantu mu nyaunda. Mepuzho ne binembelo ka byakonsha kwingijishiwa kumwesheshamo bantu bibaba? Mweshai jishinda ja kwambilamo jiji mu Mwingilo Wetu wa Bufumu byo jakonsha kwingijishiwa. Mukulumpe mu kipwilo amweshe kimwesho kipi kya jishinda jo anengezha kwesakana na kibaba kyafwainwa bantu ba mu nyaunda ya konkako.

Lwimbo 208

Mulungu wa Kutendeka December 1

Lwimbo 84

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa November.

Mamini. 15: Byamwekele. Bulai kipwilo kubaya kwa mpunzha ya nyaunda basapwishi yo basampenyemo talakiti wa Nanchi Mukeba Kuyuka Bukine Nyi? Ipuzhai luonde bashimikizhepo byamwekele byawama kimye kyo basampenyenga talakiti nangwa byo bamwingijishenga kutendekelamo mafunjisho a Baibolo. Kabiji bashimikizhepo ne byamwekele bitundaikañana byaubiwe kimye kya kusha buku wa Baibolo Ufunjisha mu November. Mwakonsha kumweshapo kyamwekele kimo nangwa bibiji byawama.

Mamini. 20: “Kwashainga Bakatataka Kuchinchika Lupato.”d Pa kwisamba jifuka 2 ambaiko pacheche byambo biji mu buku wa Ukupelulula pa mutwe wa kuba’mba “Inte sha kwa Yehova” byo byakonsha kukwasha bafunda Baibolo kukumbula mepuzho o bakonsha kwibepuzha boba bebemena kuntundwa nabiji balongo babo ne bakwabo mo bakaila.

Lwimbo 105

[Tubyambo twa mushi]