Kupitulukamo mu Sukulu wa Mwingilo wa Lesa

Ae mepuzho akekala a kwisamba mu Sukulu wa Mwingilo wa Lesa mu mulungu wa kutendeka August 30, 2010. Utangijila sukulu ukepuzhatu ano mepuzho a kupitulukamo kwa maminiti 20 mu byambo byafunjiwe mu majashi a milungu ya July 5 kufika ku August 30, 2010.

1. Kulanguluka pa lulombelo lwa kwa Solomone lwa kuzhijika nzubo ya Lesa kwakonsha kwitukwasha byepi kumusanchila Yehoba pa byubilo byanji? (1 Mfu. 8:22-53) [w05 7/1 ji. 30 jifu. 3; it-2 ji. 989 jifu. 4]

2. Mambo ka o twafwainwa kwambila’mba Davida nangwa waubanga bilubo waendanga na Lesa “na muchima wa bukishinka”? (1 Mfu. 9:4.) [w04 12/1 ji. 22 jifu. 5]

3. Mambo ka mfumu wamukazhi wa ku Sheba o aambijile Solomone amba: ‘Bano bakalume benu bemana ku meso enu moba onse ne kumvwa maana enu, nabo basangalala.’? (1 Mfu. 10:4-8) [w09 4/15 ji. 28 jifu. 13]

4. Twakonsha kufunjilako ka ku byakambizhe Yehoba kuba’mba Abiya bamuzhike mu kilende? (1 Mfu. 14:13) [cl ji. 244 jifu. 11]

5. Kimye kitanshi kyayijilepo Elaija kwi Ahaba kyawamijile ka? (1 Mfu. 17:1) [w08 4/1 ji. 19, ne kakitenguluzha]

6. Elaija wikitazhizhe mu ka byo aambile’mba ‘kukankazhama na michima ibiji’? (1 Mfu. 18:21) [w08 1/1 ji. 19 mafu. 2-3]

7. Byonka byo kyajinga kwi Elaija, Yehoba wingijisha bulume bwanji na ñanyi nkebelo ku bakalume banji? (1 Mfu. 19:1-12) [cl ma. 42-43 mafu. 15-16]

8. Mambo ka Nabota o akaine kupotesha bujimi bwa miñanzañanza kwi Ahaba, kabiji tufunjilako ka? (1 Mfu. 21:3) [w97-CW 8/1 ji. 13 mafu. 18-20]

9. Mu ñanyi jishinda mwanamukazhi mwina Shunema ‘mo amubijile byonse’ Elisha? (2 Mfu. 4:13) [w05 10/1 ji. 20 jifu. 3]

10. Mambo ka Elisha o abujijile kutambula bupe bwakebelenga kumupa Nemani? (2 Mfu. 5:15, 16) [w05 10/1 ji. 19 jifu. 3]