Nanchi Mwaingijishapo Kala Mepuzho aji Kunyuma ya Nkupiko Nyi?

Javula bantu inge batola magazini, bakitala pa nkupiko, babwela bamwalula bukiji bukiji ne kutala pa nkupiko ya kunyuma. Kunyuma ya nkupiko ya Kyamba kya Usopa kya kusha mu bujimi kuji mepuzho azakula muchima ne byambo bimwesha mapa paji byo byo byambo.

Twakonsha kwiengijisha pa kufuukula mepuzho a kwingijisha pa kutendeka misambo. Inge twingijila mu nyaunda javula, twakonsha kwalula alula nsolomokelo yetu kupichila mu kwingijisha mepuzho apusana pusana mu yeo ñondo. Inge mwina nzubo wapayankana, twakonsha kwipipisha mwisambo kupichila mu kumumwesha mepuzho aji kunyuma ya nkupiko ne kwamba’mba: “Inge mukeba kuyuka mikumbu, nsa kwimushila uno magazini tukesambepo umvwe mwaikala na kimye.” Basapwishi bamo bakonsha kutemwa kutendeka mwisambo na kumwesha mwina nzubo mepuzho aji pa nkupiko ne kumwambila kusalapo bwipuzho bo atemwa. Apa bino bamumwesha paji mukumbu mukachi ne kutanga kinembelo kyo bakusajila jimo. Kampe mwakonsha kulangulukapo ne mashinda akwabo a kwingijishishamo mepuzho aji kunyuma ya nkupiko akonsha kulengela bantu kutako muchima ku Kyamba kya Usopa.