“Mashinda a Kushilamo Magazini mu . . .”

Pa ñondo pa ñondo twikala na lubaji mu Kupwila kwa Mwingilo lumwesha bya kusha magazini. Luno lubaji kechi lwaikelako kupituluka mu bibaba biji mu magazini ne. Lwaikelako kwisamba pa mashinda akwingijisha pa kusha magazini. Onkao mambo, kwesakana na mikambizho, mulongo ye bapa luno lubaji wambakotu byambo bicheche bya kutendekelapo pa kuba’mba alengele bantu kukebesha kwingijisha magazini. Kabiji uleka basapwishi kwambapo mashinda a kushajikilamo magazini pa mutwe umo umo, pa kuba’mba balondelenga ne kuvuluka mashinda o bakeba kwingijisha. Mu kifulo kya kwambila baji mu luonde kwamba byonse bya kwamba pa kusha magazini, bambilai bambetu mepuzho amo awama o bakepuzha ne kutongolapo kinembelo kyo bakonsha kwingijisha. Pa kupezhako, kwikala kimwesho kya bya kusha magazini imo imo. Twatundaikwa kutangilamo jimo mu magazini saka tukyangye kwiya na kupwila ne kwinengezha kwambapo mashinda amo. Inge atweba bonse twanengezha bulongo, luno lubaji luketukwasha kwitundaika atweba bene na bene.—Mana 27:17.