Kakitenguluzha Ka Mepuzho

◼ Ñanyi Kimye Kyafwainwa Kuleka Kufunjisha Muntu Baibolo?

Umvwe ubena kufunda Baibolo waleka kuyilako palutwe, mwakonsha kumona jishinda jawama ja kulekelamo kumufunjisha. (Mat. 10:11) Langulukai pa bino: Nanchi unengezhezha jimo lufunjisho nyi? Nanchi wiyapo ku kupwila nyi? Nanchi ubulako bakwabo byo afunda nyi? Nanchi ubena kupimpula byubilo byanji kwesakana na byaamba mafunde a mu Baibolo nyi? Bino nangwa byonkabyo, mwafwainwa kulanguluka pa kiimino ne bintu byo akonsha kuba mambo nkomeno ya ku mupashi yaenda kupusana pusana mu bantu. Kabiji inge mwaleka kumufunjisha, mukasulukilai pa kuba’mba akatendeke kufunda jikwabo kulutwe na lwendo.—1 Timo. 2:4.