Nanchi Mumona Byubilo bya Lesa Bibula Kumweka Nyi?

Inge mwamona jiluba jiji na musombelo wawama, tubangabanga byo twavula mwiulu, nangwa mwaumvwa kupoota kwa mema, nanchi muvuluka’mba bino bintu bilengwa bya kukumya byalenga Mulenga wetu nyi? Kinetu, bilengwa bya Yehoba bimwesha byubilo byanji bibula kumweka. (Lo 1:20) Inge ke tulanguluke pa bilengwa na Lesa byo tumona, kitulengela kumona bulume bwa Lesa, butemwe, maana, bololoke ne bumpanyi bwanji.—Sl 104:24.

Ñanyi bintu bikwabo Yehoba byo alenga byo mumona pa juba pa juba? Nangwa mwikala mu taunyi, mwakonsha kumona bañonyi nangwa bichi. Kumona bintu byalenga Yehoba ne kulangulukapo kwakonsha kwitukwasha kukepeshako bijikila, kuta muchima pa bintu byanema ne kuketekela kuba’mba Yehoba kechi uketulekelela ne. (Mat 6:25-32) Inge muji na baana, bakwashai kuyuka byubilo bya Yehoba. Inge ke tulanguluke pa bintu byalenga Lesa, tukakosesha bulunda bwetu na Mulenga wetu.—Sl 8:3, 4.

TAMBAI VIDYO WA KUBA’MBA BYA KUKUMYA BYALENGA LESA BIMWESHA LUKUMO LWANJI—KYEYA NE MISOMBELO, APA BINO MUKUMBULE ANO MEPUZHO:

• Ñanyi bintu bilengela kuba’mba tumonenga kyeya?

• Ki ka kilengela bintu bimo kupimpula misombelo?

• Mambo ka mwiulu o mumwekela misombelo yapusana pusana?

• Ñanyi bilengwa biji na misombelo yawama bingi byo mumona?

• Mambo ka o mwafwainwa kwikelangapo na kimye kya kumona bilengwa na Lesa?