Bya Kukosesha Masongola

Baji mu masongola bakonsha kufunjilako byavula kwi Abalahama ne Sala, mambo betemenwe ne kwinemeka bingi mu masongola abo. (Nt 12:11-13; 1Pe 3:6) Nangwa byonkabyo, nabo bapitanga mu makatazho mu masongola abo kabiji bachinchikile byavula mu bwikalo bwabo. Baji mu masongola bakonsha kufunjilako ka kwi Abalahama ne Sala?

Isambainga. Inge benakwenu baamba byambo byatama na mambo a kuba’mba baumvwa bibi ku muchima, kange mufikenengatu kuzhingila ne. Bakumbulainga na jiwi jakooka. (Nt 16:5, 6) Monaingapo kimye kya kwikala pamo na benakwenu. Ambainga ne kuba bintu bimwesha’mba mwatemwa bingi benakwenu. Kyakila pa byonse, tai muchima pa kukosesha bulunda bwenu ne Yehoba kupichila mu kutangila pamo Baibolo, kulombela pamo ne kupopwelanga Lesa pamo. (Mus 4:12) Masongola akosa atumbijika Yehoba, mwine watendekeshe luno lunengezho lwazhila.

TAMBAI VIDYO WA KUBA’MBA BYA KUKOSESHA MASONGOLA, APA BINO MUKUMBULE MEPUZHO ALONDELAPO:

• Mu uno vidyo, ñanyi bintu byamwesheshenga’mba butemwe pakachi ka ba Shaan ne ba Kiara bwatendekele kukooka?

• Kukasuluka ne kwamba biji ku muchima kwanemena ka mu masongola?

• Ba Shaan ne ba Kiara bafunjijileko byepi ku byaubanga Abalahama ne Sala?

• Ñanyi bintu byaubile ba Shaan ne ba Kiara byakoseshe masongola abo?

• Mambo ka bamulume ne mukazhi o bafwainwa kuvulukilanga’mba bonse babiji ke bambulwa kulumbuluka?