Lamawizhainga Bulunda Bwenu ne Yehoba

Atweba bakamonyi ba kwa Yehoba twatokwa bingi, mambo twi balunda na Nkambo Walengele bintu byonse aye Yehoba. Kabiji tutwajijila kukosesha buno bulunda. Yehoba witukokela kwi aye kupichila mu mwananji (Yoa 6:44) Umvwa ne milombelo yetu.—Sl 34:15.

Twafwainwa kuba byepi pa kuba’mba tuzhikijile bulunda bwetu bwanema ne Lesa? Kintu kitanshi, twafwainwa kuchinuzhukanga kuba byatama byonka byaubile bena Isalela. Bachipile ne kulaya kuba’mba bakakookelanga Yehoba, bino palutwe kacheche balengele kipashañano kya mwana ñombe mulume ne kutendeka kwikipopwela. (Lup 32:7, 8; 1Ko 10:7, 11, 14) Twafwainwa kwiipuzha’mba: ‘Nguba byepi inge naesekwa kuba byatama? Nanchi byo nguba bimwesha’mba nanemeka bulunda bwami ne Yehoba nyi?’ Kutemwa Shetu wa mwiulu kuketukwasha kuchinzhuka kuba bintu byo ashikwa.—Sl 97:10.

TAMBAI VIDYO WA KUBA’MBA LAMAWIZHAINGA BULUNDA BWENU NE YEHOBA (Kol 3:5), APA BINO MUKUMBULE ANO MEPUZHO:

• Kichima kyo kika?

• Mambo ka o twafwainwa kuchinuzhukila lunkumbwa ne kupopwela bankishi?

• Bulalelale ne kupopwela bankishi byakwatankana byepi?

• Mambo ka kikatataka aba baji pa bifulo mu jibumba ja Lesa o bafwainwa kutela muchima ku bikeba bakazho babo?