Banyenga Bakonsha Kuba Byepi pa Kuba’mba Bengijileko Yehoba Pakatampe?

Banyenga batundaika bingi mwingilo wa Bufumu. (Sl 68:11) Bafunjisha bantu bavula Baibolo kabiji banyenga bavula bo bapainiya. Kabiji bavula bengijila pa Betele, bamishonale, bengilako mwingilo wa buntungi, bakwabo bantuntuluzhi. Banyenga bakoma ku mupashi bakosesha bingi bisemi byabo ne bipwilo. (Man 14:1) Nangwa kya kuba banyenga kechi bakonsha kwibatongola kwikala bakulumpe mu kipwilo nangwa bankwasho ne, bino bakonsha kwibikila bikonkwanyi mu kipwilo. Umvwe mwi banyenga, ñanyi bikonkwanyi byo mwafwainwa kwibikila pa kuba’mba mwingijileko Yehoba pakatampe?

• Kwikala na byubilo bya bwina Kilishitu.—1Ti 3:11; 1Pe 3:3-6

• Kukwasha banyenga mu kipwilo ba katataka.—Tit 2:3-5

• Kwingila kimye kyabaya mu mwingilo ne kuyuka bya kusapwila

• Kufunda mulaka ungi

• Kuya na kwingijila kwakepa basapwishi

• Nembai pepala wa kulombelapo kuya na kwingijila pa Betele nangwa wa kwipana kwingilako mwingilo wa kuwamisha ne kushimika mapunzha a kupopwelamo Yehoba

• Nembai pepala wa kulombelapo kuya na kutanwa ku Sukulu wa Basapwishi ba Bufumu

TAMBAI VIDYO WA KUBA’MBA “BANABAKAZHI BABENA KWINGILA NA MUKOYO MU MWINGILO WA NKAMBO,” APA BINO MUKUMBULE BUNO BWIPUZHO:

• Mikumbu ya bano banyenga bonse baji mu uno vidyo imutundaika byepi?