BYAFWAINWA KWIKALA BENA KILISHITU
Izhikijilainga ku Bansatuki
Satana ne bantu bo aluwika na bubela bwanji bamvwanga bubela na bukine kuba’mba bakookeshe lwitabilo lwetu. (2Ko 11:3) Bena Asilya baambilenga bukine bo bawelula, ne bya bubela pa kukeba kulefuula bantu ba Yehoba. (2Mo 32:10-15) Bansatuki ne mu ano moba o mashinda o babena kwingijisha. Twafwainwa kubanga byepi na mafunjisho a bansatuki? Achinainga byonka byo muchiina bulembe! Kwiatanganga ne. Kabiji kwibakumbulanga nangwa kushimikizha byo bamba ne. Yukainga bukiji byambo byakonsha kwimulengela kutendeka kuzhinauka Yehoba ne jibumba janji. Bikainaingatu kwalepa.—Yu 3, 4.
TAMBAI LUBAJI LWAFUMA MU VIDYO WA KUB’MBA ‘LWILAI LWITABILO NA MUCHIMA YENSE’! APA BINO MUKUMBULE ANO MEPUZHO:
Mambo ka o twafwainwa kujimukila pa kwisamba na bantu pa intaneti?
Twakonsha kulondela byepi jifunde jiji pa Loma 16:17?