AUGUST 25-31
BYAMBO BYA MAANA 28
Lwimbo 150 ne Lulombelo | Byambo bya Kushinkwila (Mini. 1)
1. Lupusano Luji pa Muntu Mubi ne Muntu Waoloka
(Mamini. 10)
Mubi wikala na moyo pa kuba waoloka uchinchika (Man 28:1; w93 5/15 26 jifu. 2)
Mubi kechi ufuukula bintu bulongo ne, pa kuba muntu waoloka ufuukula bintu bulongo (Man 28:5; it-2 1139 jifu. 3)
Muntu muyanji waoloka wanema kukila munonshi mubi (Man 28:6; it-1 1211 jifu. 4)
2. Bishinka Bikwabo Byanema
(Mamini. 10)
Man 28:14—Ñanyi lujimuno luji mu kino kinembelo? (w01 12/1 11 jifu. 3)
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?
3. Kutanga Baibolo
(Mamini. 4) Man 28:1-17 (th lufunjisho 10)
4. Bya Kutendeka Mwisambo
(Mamini. 3) KU NZUBO KU NZUBO. Isambai pa bikapwa nkondo ne bukapondo. (lmd lufunjisho 5 kishinka 5)
5. Bya Kutendeka Mwisambo
(Mamini. 3) KU NZUBO KU NZUBO. Isambai pa bikapwa nkondo ne bukapondo. (lmd lufunjisho 5 kishinka 4)
6. Bya Kutendeka Mwisambo
(Mamini. 2) BUSAPWISHI BWA PA MVULA BANTU. Isambai pa bikapwa nkondo ne bukapondo. (lmd lufunjisho 1 kishinka 4)
7. Bya Kutendeka Mwisambo
(Mamini. 3) BUSAPWISHI BWA KUSHUKILWA. Isambai pa bikapwa nkondo ne bukapondo. (lmd lufunjisho 2 kishinka 4)
Lwimbo 112
8. Nanchi Mwashikwa Bukapondo Nyi?
(Mamini. 6) Mwisambo.
Satana ye nsulo ya bukapondo, o ene mambo Yesu o amutelejile’mba “mbanzhi.” (Yoa 8:44) Bamalaika byo bakwatankene na Satana mu bunsatuki, bukapondo bwaonawine ntanda, mambo bwasampukijile ne pa katele. (Nt 6:11) Byo tubena kufwenya kwipi na mpelo ya ino ntanda ibena kulamwa na Satana, bantu bashinta bingi kabiji kechi bekanya ne.—2Ti 3:1, 3.
Tangai Salamo 11:5. Apa bino mwipuzhe luonde amba:
Yehoba umona byepi bantu batemwa bukapondo, kabiji mambo ka?
Kutemwa bukapondo kwa bantu ba mu ino ntanda kumwekela byepi mu bya kisangajimbwe ne mu makayo?
Tangai Byambo bya Maana 22:24, 25. Apa bino mwipuzhe luonde amba
Bantu bo tupwanañana nabo ne bya kisangajimbwe byo tusala byakonsha kwitulengela kumonanga byepi bukapondo?
Kutemwa bukapondo kumwekela byepi mu bya kisangajimbwe byo tusalapo?
9. Mukwekele Wiikajila wa Kusapwila mu September
(Mamini. 9)
Jashi na kalama wa mwingilo. Tundaikai balongo ne banyenga kwingila na kizaku, ne kulumbulula byo mwanengezha kwingila uno mukwekele.
Tambishai VIDYO wa kuba’mba Mutende wa Myaka! (Lwimbo lwa pa Kushonkena kwa mu 2022).
10. Lufunjisho lwa Baibolo lwa Kipwilo
(Mamini. 30) lfb mafunjisho 12-13