Dominican Republic
MU 1492, Christopher Columbus wataine Ntanda Ipya. Ino ntanda yajinga na mapunzha awama mwajinga bunonshi ne mapunzha awama mwakuya na kupitañana. Jikuji jimo jo afikilepo wijitumbile’mba La Isla Española nangwa’mba Hispaniola. Kyalo kya Dominican Republic kyo kyabayilapo pa jino jikuji. Mu myaka ya kulutwe kuno, bena Dominican Republic bataine kintu kyakilamo kunema, bataine ntanda ipya yafwenya kala pepi mukekala bololoke ikalamwanga na Bufumu bwa Lesa. (2 Pe. 3:13) Jishimikila jalondelapo jaamba pa mwapita bwikalo bwa bano bantu bakishinka bataine kino kintu kyanema bingi.