INDONESIA
Kulondela Mikambizho Kwitulengejile Kubula Kufwa!
Blasius da Gomes
WASEMEKELWE MU 1963
WABATIZHIWE MU 1995
BWIKALO Mukulumpe mu kipwilo watele muchima mikooko kimye kyo kwajinga milukuchi ya bupopweshi mu Ambon, muzhi uji pa makuji a Maluku.
PA 19 January 1999, Bamozilemu ne bena Kilishitu batwajijile kwishikwa, kino kyalengejile kiwowo mu muzhi wajinga kwipi palepele makilomita asatu kufuma ko naikalanga. Luno lukatazho lwabayile bingi.a
Byo napokolwele kisemi kyami, natumijile foni basapwishi bakwabo kuba’mba ngyuke byo baji. Nebatundaikile namba kosai kabiji kange muye ku mapunzha atama ne. Kabiji bakulumpe mu kipwilo baiyanga na kukosesha balongo ne banyenga ne kwibatundaika kupwilanga pamo mu tumabumba tucheche.
Ofweshi wa musampi witwambijile’mba tubuule basapwishi baikalanga mu mapunzha atama kufumamo, ne atweba twabuujile bisemi byavula. Muntu umo wakaine kufumamo, bamwipayile ku jibumba ja bantu jazhingijile. Pakuba bantu bonse baumvwijile mikambizho yafumine ku ofweshi wa musampi bapulukile.
a Milukuchi yakumbenetu kibunji kyonse kya Maluku kukila pa myaka ibiji, kabiji kyalengejile bantu kunyema mu mizhi yabo.