Nanchi Muji na Bijikila Nyi?

Ba Jilla baambile’mba: “Nangwa kya kuba bantu bavula lelo jino baji na bijikila, bino amiwa bijikila byamvujila bingi. Mbena kupita mu bintu byapusana pusana, nabiji bamwatawami bakolwa pa myaka yavula.”

Ba Barry baambile’mba: “Bakazhi bami bannyemene kabiji nashajile na mwingilo wa kukomesha baana babiji wamulume ne wamukazhi bunke. Kechi kyampelejile kukomesha baana babiji bunke bwami ne. Kunungapo bampangile nkito, kabiji kechi najinga na mali a kuwamishisha motoka ne. Kechi nayukile ne bya kuba ne, na mambo a bijikila. Nayukile kuba’mba kyatama kufuukulapo kwiipaya, onkao mambo, nalombele kwi Lesa kunkwasha kuyuka mwa kubila na makatazho o najinga nao.”