BUTALA BWA MABUKU BWA PA INTANETI
Kyamba kya Usopa
BUTALA BWA PA INTANETI
Kikaonde
Pa kukebela
  • Bisopelo
  • BAIBOLO
  • MABUKU
  • KUPWILA
  • my jishimikila 74
  • Muntu Wabujile Kuchina

Vidyo ufwamo.

Yakana kushinkuka.

  • Muntu Wabujile Kuchina
  • Buku Wami wa Mashimikila a mu Baibolo
  • Byambo Bipashako
  • Yelemiya Kechi Walekele Kwamba pe Yehoba Ne
    Funjishainga Baana Benu
  • Yehoba Watuma Yelemiya Kuya na Kusapwila
    Bintu byo Mwakonsha Kufunda mu Baibolo
  • Buku wa mu Baibolo Nambala 24—Yelemiya
    “Binembelo Byonse”—bya Kine Kabiji Byawama
  • Bishinka Bikatampe Kufuma mu Buku wa Yelemiya
    Kyamba kya Usopa—2007
Monai Bikwabo
Buku Wami wa Mashimikila a mu Baibolo
my jishimikila 74
Ngauzhi Yelemiya kwa kubula kuchina wajimwineko bena Isalela, bino abo bamusekelenga

Jishimikila 74

Muntu Wabujile Kuchina

AKIMONA bantu babena kwendeleka uno nsongwalume. Nanchi wamuyuka nyi? Uno wajinga Yelemiya. Wajinga ngauzhi wa Lesa wanemene bingi.

Palutwe kacheche Mfumu Yosiya byo atendekeletu konauna bankishi mu yoya ntanda, Yehoba watongwele Yelemiya kwikala ke ngauzhi Wanji. Nangwa byonkabyo, Yelemiya walangulukile’mba wakijingatu mwanyike kuba waikala ngauzhi ne. Bino Yehoba waambile’mba Ukamukwasha.

Yelemiya waambijile bena Isalela kuleka kuba bintu byatama. Waambile’mba: ‘Bantu ba mu mikoka bapopwela balesa ba bubela.’ Bino bena Isalela bavula basajilepo kupopwela bankishi mu kifulo kya kupopwela Lesa wa kine, aye Yehoba. Yelemiya byo ebambijilenga bantu amba Lesa ukebakambula na mambo a bubi bwabo, abo bamusekelenga.

Pa kupitapo myaka, Yosiya wafwile kabiji panyuma ya kupitapo bañondo basatu, mwananji, aye Yehoyakimu waikele ke mfumu. Yelemiya watwajijiletu na kwambila bantu amba: ‘Yelusalema ukonaunwa umvwe ne kuba mwaleka mashinda enu atama ne.’ Bañanga bamukwachile Yelemiya ne kumwambila’mba: ‘Wafwainwa kwipayiwa na mambo a bino bintu byo waamba.’ Ponkapo, baambijile babinemanga ba mu Isalela amba: ‘Yelemiya wafwainwa kwipayiwa mambo waamba pa muzhi wetu bintu byatama.’

Pano Yelemiya waubile byepi? Kechi waubile moyo ne! Wibambijile bonse amba: ‘Yehoba wantumine kwamba bino bintu kwi anweba. Umvwe mukane kupimpula byubilo byenu byatama, Yehoba ukonauna Yelusalema. Pano bino, muyukishe kino kuba’mba: Umvwe mungipaye, ko kuba’mba musakwipaya muntu wabulapotu nangwa mambo ne.’

Babinemanga bamulekeleko Yelemiya, bino bena Isalela kechi balekele mashinda abo atama ne. Palutwe kacheche, Nebukaneza, mfumu wa Babilona waishile mu kulwa na Yelusalema. Ponkapo, Nebukaneza waalwile bena Isalela ke bazha banji. Bavula wibasendele ku Babilona. Akilangulukapotu byo kyakonsha kwikala umvwe bantu bo wabula kuyuka bakufumya ku muzhi wobe ne ku kutwala ku mpunzha ingi!

Yelemiya 1:1-8; 10:1-5; 26:1-16; 2 Bamfumu 24:1-17.

Mepuzho a Kwisambapo

    Mabuku a mu Kikaonde (1992-2025)
    Shinkai
    Shinkulai
    • Kikaonde
    • Tuminaiko Bakwenu
    • Byo Mukeba
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Shinkulai
    Tuminaiko Bakwenu