Kika Kyo Wafwainwa Kuba?
50 Nanchi musaka kwikala myaka ne myaka mu yoyo paladisa ya wamisha nyi?
Nanchi pano funjilaipo ne bikwabo bya amba Lesa. Esekai kufunda kutanga Baibolo.—Yoano 17:3; Lumwekesho 1:3
51 Funjilaipo ne bikwabo na mambo a Yesu. —Mpitulukilo ya mu Mizhilo 18:18, 19; Yoano 3:16; Byubilo 3:19-23
52 Esekai kuba bintu byawama ne kumukokela Yehoba. —Loma 6:17, 18, 22
53 Vulukai, Yehoba wa amba’mba kechi twafwainwa kwipaya bantu ne. —Kulupuka 20:13; 1 Yoano 3:11, 12
54 Kechi twafwainwa kutola bintu bya bantu bakwabo ne. —Kulupuka 20:15; Efisesa 4:28
55 Mwanamulume kechi wafwainwa kwikala pamo nangwa kulala na mwanamukazhi ne, kana awo mwanamukazhi ye mukazhanji mwine.—Kulupuka 20:14, 17; 1 Tesalonika 4:3
56 Nanchi mwayuka nambala ya bakazhi yo aswisha aye Lesa ku mulume umo nyi? Myaka inga nanchi mulume yoafwainwa kwikala na mukazhanji? —Ntendekelo 2:22, 24; Mateo 19:5, 6; 1 Kolinda 7:2, 10, 11
57 Kabiji, vulukai, amba twafwainwa kupopwela Yehoba yenka kwapwa. —Mateo 4:10; 1 Kolinda 8:6
58 Bankishi ne bipashañano kechi byakonsha kwitukwasha ne. Mambo ka?—1 Kolinda 8:4
Nanchi kyawama kwikala na bankishi nyi? —Mpitulukilo ya mu Mizhilo 27:15; 1 Yoano 5:21
59 Mambo ka kyatamina kwikala na manga ne kuba malele?—Mpitulukilo ya mu Mizhilo 18:10-13; Lumwekesho 21:8
60 Bamalaika batama nangwa’mba bandemona bamupondokejile Lesa. Bengijisha bantu bamba bintu byawama bikamweka kulutwe mu kutwala mungi mutundu wa muntu. —Byubilo 16:16
61 Twafwainwa kulomba kwi Lesa. Jilombelo ji lumbulula kwamba na Lesa, kumubula aye byo tusaka kumwingijila ne kwipuzhako bukwasho bwanji.—Filipai 4:6, 7
62 Twafwainwa kumukokela Yesu ne kubika lwitabilo lwetu mwi aye. —BaHebelu 5:9; Yoano 3:16
63 Vulukai amba aye wafwijile kupulusha atweba. —Loma 5:8
64 Vulukai amba aye Yesu ye Mfumu wetu ubula kumweka. Twafwainwa kumukokela aye. —Filipai 2:9-11; Lumwekesho 19:16
65 Yesu waambile’mba mwafwainwa kubulako bakwenu bintu byawama byo mubena kufunda, kabiji amba aba basaka kwingijila Lesa bafwainwa kubatizhiwa. —Mateo 28:19, 20; Yoano 4:7-15
66 Byonkabyo mwakonsha kwamba ku balunda nenu na mambo a bino bintu byawama.—Mateo 10:32
67 Umvwe mwafunda kutanga bulongo, mwakonsha kuyukilapo ne bikwabo bintu byavula bingi kabiji ne kukonsha kukwasha bantu bakwabo mu kukilapo.—2 Timoti 2:15
68 Yesu wafunjishe ne bana bacheche kukokela Lesa. Kechi wa vuzhizhe mingilo kyakuba wakankalwa ne kwamba nabo ne.—Mateo 19:13-15
69 Bansemi bafwainwa kufunjisha bana babo kukokela Lesa ne kumutemwa aye. —Mpitulukilo ya mu Mizhilo 6:6, 7; Byambo bya Mana 6:20-22; Efisesa 6:4
70 Kobiji bipwilo byavula bya pusana pusana. Mafunjisho abo avula kechi afuma mu Baibolo ne. Yehoba witubula kufumamo mu bupopweshi bubula kufunjisha bukine. —Lumwekesho 18:4; Yoano 4:23, 24
71 Yehoba uji nabo bantu pano pa ntanda bakonsha kwimubula bya kwa aye mwine. Abya wibayuka nyi? —Byubilo 15:14; Loma 10:14, 15
72 Abo bo Bakamonyi ba Yehoba. Abo baji na mutende mulwabo bene. Nanchi mwayuka ene mambo nyi? Mambo betemwa bene na bene.—Isaya 43:10-12; Yoano 13:34, 35
73 Mambo abo bamutemwa ne Yehoba, abo babatizhiwa. Monka muno mo bamweshesha pa bantu bavula amba abo baleka jishinda jincha ja bwikalo kabiji basaka kwikala mweo wabo yense na kwingijila Lesa.—Byubilo 2:41
74 Bakamonyi ba Yehoba baketekela kwikala mu paladisa ipya yawamisha.—Masalamo 37:9-11, 29
Wafwainwa kubaka pa kuba’mba ukekale nabo momwa? —Yakoba 1:22, 25; 2:20-26
75 Ivwangai mukachi kabo ne kufunda kumwingijila Yehoba. Bamutemwisha ne kumukokela Yehoba ne Kilishitu Yesu pamo. Nga anweba mwibatemwa nyi? Nanchi anweba mwakonsha kutemwa kukwasha bakwenu kuyuka Lesa nyi? —Yoano 6:45-47
75 Yehoba ne Kilishitu Yesu bemutemwa anweba ne kwimusaka’mba mukekale mu paladisa myaka ne myaka.—Yoano 3:16
Byo mwafunda kufuma mu kulangulukapo pa bipikichala ne byambo biji mu kokano kabuku kine bimupa anweba kusakisha kwilemena bumi pano pa ntanda myaka ne myaka. Umvwe mwasakisha kufunjilapo bikwabo pa byobino, twalanguluka namba mwambañane na umo wa Bakamonyi ba Yehoba konkako kwenu. Nangwa inge ne, mwakonsha kunemba, nangwa umo e mu nembeleko, kutumina ku ofweshi iji pabwipi na komwikala, byonka byo kyamweshiwa pa kutanchika kwa makeyala aji pa peje ya bubiji ya kano kabuku.