Kuji Bilengwa bya Mupashi Byavula Bingi

Baibolo waamba’mba kuji bilengwa bya mupashi byavula bingi. Yehoba mupashi.—Yoano 4:24; 2 Kolinda 3:17, 18.

Yehoba wajingatu bunke bwanji mwiulu. Kepo atendekele kulenga bilengwa bya mupashi bitelwa’mba bamalaika. Bano bamalaika baji bingi na bulume kukila bantu. Yehoba walengele bamalaika bavula bingi; kalume wa Lesa aye Danyela, mu kimwesho wamwene mamilyonyi 100 a bamalaika.—Danyela 7:10; Bahebelu 1:7.

Lesa walengele bamalaika patanshi saka akyangye kulenga ntanda. (Yoba 38:4-7) Bano bamalaika kechi bajinga bantu bafwile apa bino baya mwiulu ne.