Lufunjisho 16

Mweshai Butemwe Bwenu Kwi Lesa

Pa kulama mulunda nenu, mwafwainwa kwamba nanji. Mumvwa kwi aye, kabiji ne aye umvwa kwi anweba. Kabiji mwakonsha kwamba bintu byawama pa mulunda nenu ku bantu bangi. Po pamotu na kwikala mulunda na Lesa. Langulukai Baibolo byo yamba pa ano mambo:

Isambai ne Yehoba mu milombelo kimye kyonse. “Kasa mukelwa mu lulombelo.”—Loma 12:12.

Tangai Kyambo kya kwa Lesa Baibolo. ‘Binembelo byonse byapuyiwamo kwi Lesa, kabiji byo byawamina mu kwibafunjisha bantu, ne mu kwibalengulula ne mu kwibolola.’—2 Timoti 3:16, NW.

Funjishai bakwenu byambo bya kwa Lesa. “Onkao mambo yainga na kwibasambisha ba mu mikoka yonse ya bantu ... kwibafunjisha balamenga byonse byo nemukambizhe.”—Mateo 28:19, 20.

Fwenyai kwipi na balunda na Lesa. “Awa wenda na ba mana ukekala ke wa mana.”—Byambo bya Mana 13:20.

Tanwai ku kupwila ku Nzubo ya Bufumu. “Twilanguluke atwe bene na bene mu kwiubisha butemwe ne mingilo yawama; ... ne kwitundaika atwe bene na bene.”—Bahebelu 10:24, 25.

Kwashai mu kutundaika mwingilo wa Bufumu. “ Bonse pa muntu pa muntu [bapane] monka mo bafukwila mu michima yabo: kechi bapane na butanyi ne, nangwa na mambo a kukanjikizha ne: mambo Lesa watemwa upana na lusekelo.”—2 Kolinda 9:7.