LUFUNJISHO 1

Tumvwa Byepi Byamba Lesa?

Lesa wamba ne atweba kupichila mu Baibolo. 2 Timoti 3:16

Kufuma ku jitanda ja mwiulu, Yehoba wabuujile banabalume byambo byo bafwainwe kunemba mu Baibolo

Lesa wa kine watangijile bantu kunemba milanguluko yanji mu buku umo wazhila. Uno buku ke Baibolo. Uji na byambo byanema bingi Lesa byo akeba’mba anweba mwibiyuke.

Lesa wayuka bintu byawama byo tukeba kabiji ye upana maana a kine. Umvwe kemumvwe byo amba, mukekala na maana a kuyuka bintu.—Byambo bya Maana 1:5.

Baibolo uji mu milaka yavula bingi; mwanamulume ubena kutanga Baibolo mu mulaka wanji

Lesa ukeba muntu yense pano pa ntanda kutanganga Baibolo. Uno buku bamutuntulula mu milaka yavula bingi.

Umvwe mukeba kumvwa byamba Lesa, mwafwainwa kutanganga ne kumvwisha biji mu Baibolo.

Bantu mwaya ntanda babena kumvwa. Mateo 28:19

Kamonyi wa kwa Yehoba ubena kutangila kinembelo mwanamulume, kabiji watendeka kumufunjisha Baibolo

Bakamonyi ba kwa Yehoba bakonsha kwimukwasha kumvwisha biji mu Baibolo.

Bafunjisha bukine pe Lesa mwaya ntanda yonse.

Bakamonyi ba kwa Yehoba babena kupwila pa Nzubo ya Bufumu

Kechi kwikala kulipila mali pa kufunda ne. Kabiji mwakonsha kufunda pe Lesa pa Nzubo ya Bufumu ya Bakamonyi ba kwa Yehoba iji ku mpunzha ko mwikela.