Baumvwijile Bibabuujile Satana—Ñanyi Bintu Byafuminemo?

Adama ne Evwa kechi bakokejile Lesa ne, onkao mambo, bafwile. Ntendekelo 3:6, 23

Evwa waumvwijile byamubuujile muloolo ne kuja kipangwa. Kepo apelepo ne Adama, ne aye wajiile.

Kintu kyo baubile kyatamine bingi, balengele mambo. Lesa wibapangilemo mu muzhi wabo wa Paladisa.

Bwikalo bwabo ne baana babo pamo bwakatezhe. Bakotele ne kufwa. Kechi bayile ku ntanda ya mipashi ne; balekele kwikalako.

Bantu bafwa kechi bomi ne, bajitu nobe maloba. Ntendekelo 3:19

Atweba bonse tufwa mambo twafuma kwi Adama ne Evwa. Bantu bafwa kechi bakonsha kumona, kumvwa nangwa kuba kintu ne.—Musapwishi 9:5, 10.

Yehoba kechi wakebelenga bantu kufwa ne. Katatakatu Yehoba akasangule bantu bafwa. Umvwe bantu bamumvwina, bakekala na bumi bwa myaka.