BUTALA BWA MABUKU BWA PA INTANETI
Kyamba kya Usopa
BUTALA BWA PA INTANETI
Kikaonde
Pa kukebela
  • Bisopelo
  • BAIBOLO
  • MABUKU
  • KUPWILA
  • lfb lufunjisho 22 p. 56-p. 57 jifu. 3
  • Kya Kukumya kya pa Kalunga Kachila

Vidyo ufwamo.

Yakana kushinkuka.

  • Kya Kukumya kya pa Kalunga Kachila
  • Bintu byo Mwakonsha Kufunda mu Baibolo
  • Byambo Bipashako
  • Kwabuka Kalunga Kachila
    Buku Wami wa Mashimikila a mu Baibolo
  • “Imanaitu Nzo! Mumone Lupulukilo Lwa Yehoba”
    Kyamba kya Usopa—2007
  • Nanchi Mumona “Awa Ubula Kumweka” Nyi?
    Kyamba kya Usopa—2014
  • Mosesa Wasajilepo Kupopwela Yehoba
    Bintu byo Mwakonsha Kufunda mu Baibolo
Monai Bikwabo
Bintu byo Mwakonsha Kufunda mu Baibolo
lfb lufunjisho 22 p. 56-p. 57 jifu. 3
Felo ne nzhita yanji

LUFUNJISHO 22

Kya Kukumya Kyamwekele pa Kalunga Kachila

Felo byo aumvwinetu amba bena Isalela baya, waumvwine bibi ku muchima. Waambijile bashilikale banji amba: ‘Nengezhai makalaki ami a nkondo onse. Twayai tupuupile bena Isalela! Kechi twafwainwe kwibaleka baya ne.’ Aye ne bashilikale banji batendekele kupuupila bena Isalela.

Yehoba watangijilenga bantu banji na jikumbi mute, ne na mujilo bufuku. Wibatangijile kufika ku Kalunga Kachila ne kwibambila’mba bakokolokeko.

Kepo bena Isalela bamwene Felo ne nzhita yanji saka beya ko bajinga. Bena Isalela bakankelwe kwa kunyemena, mambo kulutwe yabo kwajinga kalunga kakatampe kabiji kunyuma kwaishilenga bashilikale ba bena Ijipita. Batendekele kumujijila Mosesa amba: ‘Lelo tusakufwa! Nanchi inge witulekeletu mu Ijipita mo twajinga.’ Bino Mosesa waambile’mba: ‘Kuchina ne. Pembelelai mumone Yehoba byo asakwitupulusha.’ Mosesa waketekejile bingi mwi Yehoba.

Yehoba waambijile bena Isalela amba batendekeko kuya. Abwa bufuku, Yehoba walengejile jikumbi kwimana pakachi ka bena Ijipita ne bena Isalela. Ku bena Ijipita kwajingatu mfishi. Bino ku bena Isalela kwajinga kyeya.

Yehoba waambijile Mosesa kutanyika kuboko kwanji pa Kalunga Kachila. Kepo Yehoba aletele mwela mukatampe wapupilenga pa kalunga bufuku bonse. Mema pa kalunga aabene pakachi ne kusha jishinda mwa kupichila. Onkao mambo, bena Isalela bapichile pakachi pa mushiji wauma, mema saka aimana ku kipiko ne ku kilujo.

Bena Isalela babena kwenda pa mushiji wauma mema saka aimana ku kipiko ne ku kilujo

Nzhita ya kwa Felo yatendekele kupuupila bena Isalela pa kalunga ka mema pa mushiji wauma. Kepo Yehoba alengejile nzhita ya kwa Felo kukankalwa kwenda bulongo. Mawilo a ku makalaki abo atendekele kusopaukako. Bashilikale batendekele kubijika’mba: ‘Twayai tubwelemo! Yehoba ubena kwibalwilako.’

Yehoba waambijile Mosesa amba: ‘Tanyika kuboko kobe pa kalunga.’ Ponkapotu, mema abwelele byonka byo ajinga kala ne kulobesha nzhita ya bena Ijipita. Felo ne nzhita yanji bafwile. Kafwako nangwa umo wapulukile ne.

Bino ku bushiya bwa kalunga, bena Isalela baimbile lwimbo wa kutota Lesa, amba: “Mwimbilai Yehoba, mambo aye watumbalala bingi. Mbili ne wendapo bebataya mu kalunga ka mema.” Bantu byo baimbilenga, banabakazhi bazhilenga ne kwimba minsakayi. Bonse basangalele bingi, mambo bafumine mu buzha.

“Kuba’mba tukose ne kwamba’mba: ‘Yehoba ye nkwasho wami; kechi nakonsha kuchina ne, muntu angube ka?’”—Bahebelu 13:6

Mepuzho: Ñanyi kintu kyamwekele pa Kalunga Kachila? Yehoba wapokolwele byepi bena Isalela?

Kulupuka 13:21–15:21; Nehemiya 9:9-11; Salamo 106:9-12; 136:11-15; Bahebelu 11:29

    Mabuku a mu Kikaonde (1992-2025)
    Shinkai
    Shinkulai
    • Kikaonde
    • Tuminaiko Bakwenu
    • Byo Mukeba
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Shinkulai
    Tuminaiko Bakwenu