Kutundaika Bantu ne Kwibakosesha

Yoba 16:5

BYO MWAFWAINWA KUBA: Ambai pa bintu byakonsha kukwasha bantu ne kwibatundaika.

BYA KUBA:

• Mwafwainwa kutemwa bantu bo mubena kwambako. Mwafwainwa kuketekela kuba’mba balongo ne banyenga bakebesha bingi kutokesha Yehoba ku muchima. Nangwatu inge mubena kufundako muntu, patanshi mwafwainwa kumusanchila pa byo abena kwibikako kwingijila Lesa.

• Kange mukizhemo kwamba pa byatama bibena kumweka ne. Mwakonsha kwambapotu pa bintu byatama bibena kumweka inge bisakwimukwasha kulumbulula kishinka. Pano bino, jashi jenu jonse jafwainwa kwimenatu pa kutundaika bantu.

• Ingijishainga bulongo Mambo a Lesa. Kwashai bantu kulanguluka pa bintu byauba Yehoba, byo abena kubila bantu luno, ne byo akooba kulutwe. Batundaikai ne kwibakosesha.