Byambo ku Bataanwa ku Kushonkena

LUBATIZHILO Bakulumpe mu kipwilo kyenu bakanengezha jishinda ja kubatizhizhamo boba bakeba kubatizhiwa inge kipungu kya lukelo pa juba ja bubiji kyapwa.

KUPANAKO MALI Kuno kushonkena babena kwikutuntulula mu mikala kukila pa 400. Bupe bwenu bwa kwifuukwila bukwasha uno mwingilo wa ntanda yonse. Mwakonsha kupanako mali kwingijisha Intaneti pa keyala wa donate.jw.org. Tusanta bingi pa bupe bwenu bonse bo mupana. Jibumba Jitangijila jibena kwimusanchila bingi pa byonse byo mupana bya kutundaika mwingilo wa Bufumu.

SUKULU WA BASAPWISHI BA BUFUMU Bapainiya baji na myaka ya kusemwa pakachi ka 23 ne 65 bakeba kwingilako pakatampe mwingilo wa Lesa, bafwainwa kwisamba na munembeshi mu kipwilo kyabo ne kunemba pepala wa pa Intaneti wa kwipwizhapo kuya ku Sukulu wa Basapwishi ba Bufumu.