Kibaba Kya Bakyanyike

Petelo Wamukana Yesu

Mikambizho: Ubai uno mwingilo kwa bunke bwenu kwabula kyongo. Byo mubena kutanga bino binembelo, ifwanyikizhai kuba’mba ne anweba mo muji mu byobyo byo mubena kutanga. Fwanyikizhai bintu byo biji. Umvwainga mawi abena kwambiwa. Iumvwainga bibena kwiumvwa bobo bantu.

FWANYIKIZHAI BINTU BYO BIJI.—TANGAI MATEO 26:31-35, 69-75.

Bantu banga bo mwalanguluka baji mu byo mubatangenga?

․․․․․

Nanchi mwalanguluka’mba bantu baambilenga ne Petelo bajingatu bulongo nyi? paji kyo bakebelenga nyi? bazhingijile nyi? nangwa bajingatu na milanguluko ingi?

․․․․․

Mwalanguluka’mba Petelo wiumvwine byepi byo bamushinawijilenga?

․․․․․

Mambo ka Petelo o amukaine Yesu? Nanchi kyajinga na mambo a kubula butemwe nyi, inyi pajingatu kikwabo kyamulengejile?

․․․․․

LANGULUKISHAIPO.—TANGAI LUKA 22:31-34; MATEO 26:55-58; YOANO 21:9-17.

Mambo ka kukizhamo kwiketekela o kwalengejile Petelo kumukana Yesu?

․․․․․

Yesu wamwesheshe byepi luketekelo mwi Petelo, nangwa kya kuba wayukile’mba ukamukana pa ka kimye kacheche?

․․․․․

Nangwa kya kuba wamukaine Yesu, mu ñanyi jishinda Petelo mo amwesheshe kukosa kukila ne baana ba bwanga bakwabo?

․․․․․

Yesu wamwesheshe byepi amba wamulekejileko mambo Petelo?

․․․․․

Mwalanguluka’mba mambo ka Yesu o amwipwizhe Petelo jisatu amba, ‘Wantemwa nyi?’

․․․․․

Mwalanguluka’mba Petelo wiumvwine byepi panyuma ya uno mwisambo ne Yesu, kabiji mambo ka?

․․․․․

INGIJISHAINGA BINTU BYO MWAFUNDA. NEMBAI BISHINKA BYO MWAFUNDA PA MAMBO A . . .

Moyo wa kuchiina bantu.

․․․․․

Yesu byo aubijile lusa baana banji ba bwanga nangwatu kimye kyo batamishenga.

․․․․․

Lubaji ka lwa jino jishimikila lo mwamona kunema, kabiji mambo ka?

․․․․․