Kibaba kya Bakyanyike
Mosesa Bamupa Mwingilo Mukatampe
Mikambizho: Uba uno mwingilo kwabula kyungwe. Byo ubena kutanga bino binembelo, fwanyikizha kuba’mba ubena kumona bibena kubiwa. Fwanyikizha uji ponka sabibena kumweka. Umvwanga mawi. Iumvwe byonka biumvwinenga bantu batongolwamo. Fwanyikizhai kuba’mba bibena kumweka.
Bajimo mu kibaba: Yehoba Lesa ne Mosesa
Kuchibawizha: Yehoba waambijile Mosesa kutangijila bena Isalela kwibafumya mu Ijipita.
1 FWANYIKIZHA BINTU BYO BYAJINGA.—TANGA KULUPUKA 3:1-14; 4:1-17.
Kimye kyo ubena kufwanyikizha kipupu kyatemenenga mujilo, lumbulula byo kyamwekelenga.
․․․․․
Walanguluka’mba kilungi ne jiwi ja kwa Mosesa byajinga byepi kimye kyo aumvwinenga byambo byaambile Lesa biji pa Kulupuka 3:4
․․․․․
Jiwi ja kwa Mosesa ‘jaumvwanyikilenga’ byepi byo aipwizhenga Yehoba na byambo biji mu Kulupuka 3:11, 13 ne 4:1, 10?
․․․․․
2 PESAPESAPO.
Kwingijisha mabuku a kupesapesamo ajipo, pesapesa pa byambo kya kuba’mba, “Yami NJIPO!” (Kulupuka 3:14) Yehoba wakumbwijile ka bino kimye Mosesa kyo akebelenga kuyuka jizhina janji?a
․․․․․
Walanguluka’mba ki ka kyalengejile Mosesa kukankazhama kwisamba ne Felo? (Kukukwashako: Tanga Kubala 12:3.)
․․․․․
Mambo ka Mosesa kyo akankazhamijilenga kwisamba na bakwabo bena Isalela?
․․․․․
3 INGIJISHANGA BINTU BYO WAFUNDA. NEMBA BYO WAFUNDA PA . . .
Muteeto wa bantu wakubula kwiketekela.
․․․․․
Yehoba wakuketekela mu byo uba.
․․․․․
BYA KWIBINGIJISHA.
Mu ñanyi bintu mo wabula kwiketekela?
․․․․․
Mu ñanyi bintu mo umona kuba’mba Yehoba Lesa wakonsha ku kwingijisha nangwa kya kuba ukankalwa kuba bintu bimo?
․․․․․
4 ÑANYI LUBAJI LWA JINO JISHIMIKILA LOWAMONA KUNEMA, KABIJI MAMBO KA?
․․․․․
Mwakonsha kwisamba na Bakamonyi ba kwa Yehoba kupichila mu kwingijisha keyala wa www.watchtower.org.
[Tubyambo twa mushi]
a Bakamonyi ba kwa Yehoba basampanya mabuku ne mabuloshuwa avula bingi akonsha kukukwasha kupesapesa kimye kyo ubena kufunda Baibolo. Pa kuba’mba ufunde byavula, mona Bakamonyi ba kwa Yehoba baji ku mpunzha yenu nangwa kunembela banembi ba uno magazini.