MEPUZHO A MU BAIBOLO AKUMBULWA

Lesa jizhina janji ñanyi?

Balongo betu bonse baji na mazhina. Ne bilelwa nabyo biji na mazhina. Nanchi kechi kyailamo kuba’mba Lesa naye uji na jizhina nenyi? Mu Baibolo, Lesa uji na mazhina a mushingi avula, nabiji Lesa Wabulume Bonse, Nkambo Mfumu ne Mulenga, pano bino uji ne na jizhina.—Tangai Isaya 42:8.

Ntuntulwilo yavula ya ma Baibolo jizhina ja Lesa jitanwa pa Salamo 83:18. Mu Baibolo wa Kikaonde kino kyepelo kyaamba’mba: “Anweba yenka, wa jizhina ja Yehoba, Yenu Mwine Wakila wa panopantanda ponse.”

Mambo ka o twafwainwa kwingijishishanga jizhina ja Lesa?

Lesa ukeba’mba twingijishenga jizhina janji. Inge tubena kwisamba na bantu botwatemwa kikatakata balunda netu twibeta pa jizhina. Nanchi kechi twafwainwa kwita Lesa pa jizhina nenyi? Yesu Kilishitu witutundaikile kuba’mba twingijishenga jizhina ja Lesa.—Tangai Mateo 6:9; Yoano 17:26.

Bino kwikala mulunda ne Lesa kukebwa kuyuka byavula pe aye, kechi jizhina janjitu ne. Kyakumwenako, Lesa uji na mubiji wa mutundu ka? Nanchi twakonsha kufwenya kwipi ne aye nyi? Mwakonsha kutana mikumbu ya ano mepuzho mu Baibolo.

Umvwe mukeba kuyukilapo byavula monai kitango 1 kya uno buku, Nanchi Baibolo Kine Ufunjisha’mba Ka? wanembwa na Bakamonyi ba kwa Yehoba

[Kipikichala pa peja 16]

Inge tubena kwisamba na bantu botwatemwa kikatakata balunda netu twibeta pa jizhina