BUTALA BWA MABUKU BWA PA INTANETI
Kyamba kya Usopa
BUTALA BWA PA INTANETI
Kikaonde
Pa kukebela
  • Bisopelo
  • BAIBOLO
  • MABUKU
  • KUPWILA
  • w15 10/1 p. 5
  • Ene Mambo Lesa o Abena Kwitwambila Kulomba

Vidyo ufwamo.

Yakana kushinkuka.

  • Ene Mambo Lesa o Abena Kwitwambila Kulomba
  • Kyamba kya Usopa Kibena Kubijika Bufumu Bwa Yehoba—2015
  • Tumitwe tucheche
  • Byambo Bipashako
  • Lesa ukeba’mba twikale balunda nanji.
  • Lesa ukeba kwimukwasha.
  • Bantu baji na muchima wa kukeba kuyuka Lesa.
  • Nanchi Lesa Umvwa Milombelo Yenu Nyi?
    Kyamba kya Usopa Kibena Kubijika Bufumu Bwa Yehoba (Kya bena kengi)—2021
  • Mepuzho a mu Baibolo Akumbulwa
    Kyamba kya Usopa—2014
  • Milombelo Yanema Bingi
    Nanchi Baibolo Waamba’mba Ka?
  • Kufwenya Kwiipi ne Lesa mu Milombelo
    Nanchi Lesa Ukebaka Kwiatweba?
Monai Bikwabo
Kyamba kya Usopa Kibena Kubijika Bufumu Bwa Yehoba—2015
w15 10/1 p. 5

MUTWE WA PA NKUPIKO | NANCHI LULOMBELO LWITUKWASHA NYI?

Ene Mambo Lesa o Abena Kwitwambila Kulomba

Lesa ukeba’mba twikale balunda nanji.

Balunda besamba pa kuba’mba bakoseshe bulunda bwabo. Lesa naye ukeba’mba twisambenga nanji kuba’mba tukoseshe bulunda. Waamba’mba: “Anweba mukangita ne kwiya kwi amiwa ne kulomba kwi amiwa, kabiji amiwa nkemumvwa.” (Yelemiya 29:12) Umvwe ke mwisambe ne Lesa, ‘mukafwenya kwipi ne [aye], ne aye ukafwenya kwipi ne anweba.’ (Yakoba 4:8) Baibolo witubuula’mba: “Yehoba uji kwipi na bonse bamwita.” (Salamo 145:18) Inge twatwajijila kulomba kwi aye, bulunda bwetu ne Lesa bukakosa.

“Yehoba uji kwipi na bonse bamwita.”—Salamo 145:18.

Lesa ukeba kwimukwasha.

Yesu waambile’mba: “Ñanyi mwi anweba uba umvwe mwananji wamulomba shinkwa, wamupa jibwe? Nangwa umvwe wamulomba jisabi, wamupa muloolo? Onkao mambo, nangwa kya kuba . . . mwayuka kupana byawama ku baana benu, ko kuba’mba Shenu wa mwiulu ukakilapo kupana byawama ku boba bamulomba!” (Mateo 7:9-11) Lesa ubena kwimwambila’mba lombainga kwi aye mambo “wimuta muchima” kabiji ukeba kwimukwasha. (1 Petelo 5:7) Kabiji wimwambila kumubuula makatazho enu onse. Baibolo waamba’mba: “Kange mubambishenga michima yenu na mambo a kintu nangwa kimo ne, bino mu bintu byonse mu lulombelo ne milombelo ya misashijilo pamo na kusanta, saka musolola kwi Lesa bintu byo mukeba.”—Filipai 4:6.

Bantu baji na muchima wa kukeba kuyuka Lesa.

Bashayuka ba bantu bamba’mba, bantu bavula baji na muchima wa kukeba kulomba. Nangwatu bantu bakana’mba Lesa ufwako ne bazhinauka umvwe Lesa koaji nangwa ne, nabo balomba.a Akino kibena kumwesha’mba bantu bebalengele na muchima wa kukeba kuyuka Lesa. Yesu waambile’mba: “Bo ba lusekelo aba baji na muchima wa kukeba kuyuka Lesa.” (Mateo 5:3) Jishindatu jimo jo twakonsha kumuyukilamo Lesa ke kwisambanga nanji kimye kyonse.

Ñanyi bintu byo tukamwenamo inge saka tulomba kwi Lesa?

a Mu 2012, kipamo kya Pew Research Center kyataaine’mba bantu bachechetu mu United States bakana’mba Lesa ufwako nangwa kuzhinauka inge Lesa koaji nangwa ne, bo balombatu jimo mu ñondo.

Ñanyi Bintu byo Twafwainwa Kwambapo mu Lulombelo?

Baibolo umwesha’mba twafwainwa kulomba pa bintu byonse bya mu bwikalo bwetu. Twakonsha kulomba pa bino bintu:

  • Kusolola mambo “Nasolwele mambo ami kwi anweba; kechi nafile mambo ami ne.”—Salamo 32:5.

  • Kusanta “Kyawama kwimusanchila anweba Yehoba.”—Salamo 92:1.

  • Kutota “Nkamutotanga Yehoba kimye kyonse; lutotelo lwanji lukekala pa byatunwa byami kimye kyonse.”—Salamo 34:1.

  • Kulomba lutangijilo “Ntangijilai mu jishinda ja mikambizho yenu, mambo mo mo mmwena lusekelo.”—Salamo 119:35.

  • Kulomba bulume “Alulukilai kwi amiwa ne kungubila lusa. Mupai bulume bwenu kalume wenu.”—Salamo 86:16.

    Mabuku a mu Kikaonde (1992-2025)
    Shinkai
    Shinkulai
    • Kikaonde
    • Tuminaiko Bakwenu
    • Byo Mukeba
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Shinkulai
    Tuminaiko Bakwenu