Byakwamba Pakutambika Magazini

Kyamba kya Usopa Dec. 1

“Bantu konse konse baji bingi namoyo. Moyo umwesha’mba apo pantu patama, nanchi moyo wakonsha kwingila bulongo nenkebelo yanji mumingilo yetu yajuba nejubanyi? Nanchi moyo wakwatankana byepi nampopwelo yetu nebuwame bwetu bwamyaka nemyaka? Musapwishi 12:13 witukambizha ‘kwakamwa Lesa wakine.’ Nanchi mubena kulanguluka’mba kyawama kwakamwa Lesa utelwa’mba Lesa wabutemwenyi? [Mulekai akumbule] Ñanyi moyo yetwafwainwa kwikala nanji ku Mulenga wetu Mukatampe pakuba’mba mpopwelo yetu itabizhiwe kwi Aye? Ino magazini yakumbula ano mepuzho onse.”

Loleni! Nov. 8

“Kika kyomulangulukapo’mba kyokilengela kuyanjisha banabakazhi? [Mulekai akumbule] Bavula babayuke’mba kwingijisha mizhilo yamu Baibolo kuwamisha bwikalo bwakisemi. [Tangai Efisesa 4:31; 5:33] Loleni! ibena kwamba pakukabuluka kwabanabakazhi bobamwesha malwa.”

Kyamba kya Usopa Dec. 1

“Pakino kimye kyamwaka bantu bavula bapayankana bingi nakupana byabupe nekubila bakwabo byawama. Kino kitulengela kulanguluka pa Mukambizho Wawama. [Tangai Mateo 7:12.] Nanchi mubena kulanguluka’mba kukokela uno mukambizho mwaka yense kwakonshekanyi? [Mulekai akumbule.] Ino magazini yaamba byavula bingi byomwakonsha kufunda pauno mutwe wakuba’mba ‘‘Nanchi Mukambizho Wawama Ukingila Neluno Nyi?’”

Loleni! Dec. 8

“Baibolo yalaya’mba juba jimo kafwako ukamba’mba, ‘Nakolwa, ne.’ [Tangai Isaya 33:24.] Kwesakana nauno mulaye Loleni! ibena kwamba pakikola kibena kukatazha bantu bavula bingi, banyike nebakulumpe. Iji namutwe wakuba’mba ‘Isubilo ku Balwala Ubulwele bwa mu Mfyufyu.’ Naketekela namba uno mutwe usakwimukwasha.”