Byakwamba Pakutambika Magazini

Kyamba kya Usopa Jan. 1

“Bantu baamba bintu byapusana-pusana pe Yesu nemfunjishilo yanji. Mwafwainwa kuba byepi umvwe mwaitwa’mba mufunde kwiaye? [Panyuma yakuba wakumbula, tangai Mateo 11:29.] Naketekela namba musakwiyowa kutanga luno lwito mukibaba kibena kwamba’mba ‘Fundai kwi Amiwa’ muino magazini. Ibena kumwesha Yesu byoatemwa bololoke, kushikwa bubi kabiji nebyubilo bikwabo byawama byoamwesheshe muñiñijilo yanji nabantu bambulwakoloka kimye kyoajinga panopantanda.”

Loleni! Dec. 22a

“Nanchi mwakonsha kwitaba’mba pakuba’mba twikale bulongo, tukebewa kajo kavula kawama bulongonyi? [Lekai akumbule.] Umvwai Lesa byoalaile bantu banji kala keene mukimye kyanembelwengamo Baibolo. [Tangai Bena Levi 26:4, 5.] Loleni! ibena kwamba pabijikila bijiko lelo jino pamambo akajo ketu. Kabiji ibena kwamba pamashinda awama nekutongola kimye Lesa kyoaketulamanga panopantanda ponse.”

Kyamba kya Usopa Jan. 1

“Abya mwakilangulukapo kala ene mambo bantu bamo kyobekela bulongo kwakubula kushupikwa aku bakwabo sabapita mulukatazho pakuba’mba batane byamubwikalo? Nanchi mwayuka’mba Baibolo yambapo bimo pamambo akinonyi? [Tangai Yoba 34:19.] Mulanguluko wa Lesa wakufumyapo misalululo walumbululwa muino magazini.”

Loleni! Jan. 8b

“Atweba bonse twayuka malwa akatampe aponena inontanda. Kufumatu kyokya kimye, bantu bakeba lutekenesho nebukwasho bwavula. Pabintu bimo byokibena kwambapo, kino kibaba kibena kulumbulula Bakamonyi bakwa Yehoba byobabaubenga kukwasha babipuluka, bamingilo bakwashañana mukimye kyamalwa nebafwisha balongo babo.”

[Tubyambo twa mushi]