Bya Kwamba pa Kusha Magazini

Kyamba kya Usopa Jan. 1

“Bantu bavula balanguluka amba Lesa wafwainwa kwiya bukiji ne kupimpula bintu mu ntanda. Nanchi ne anweba mwakilangulukapo kala bino nyi? [Lekai akumbule.] Kino kibaba kyaamba pa mepuzho nabiji a kuba’mba, nga luno lupimpu lukobiwa kimye ka? Ki ka kyo twafwainwa kubanga pa kwinengezha ku joja juba jikatampe?” Tangai Mateo 24:42.

Awake Dec.

“Paji bingi milanguluko yapusana pusana pakachi ka bupopweshi pa mambo a ntomeno ya binyu. Mulangulukapo’mba Yehoba wiumvwa byepi pa mambo a ntomeno ya bino binyu? [Lekai akumbule.] Nangwa kya kuba kya kukumya kitanshi kyaubile Yesu kyajinga kya kwalula mema ke binyu, bino Baibolo naye upana luno lujimuno. [Tangai Byambo bya Mana 20:1.] Kino kibaba kyalumbulula bulongo Baibolo byo apana mulanguluko wawama pa uno mutwe.” Mweshai kibaba kyatendekela pa peja 18.

Kyamba kya Usopa Jan. 1

“Abya mulanguluka kuba’mba kwikala bulongo kwa muntu kwakonsha kuyukanyikilwa kupichila mu bunonshi bo aji nabo nyi? [Lekai akumbule. Apa bino mutange 1 Timoti 6:9, 10.] Nangwa kya kuba Baibolo kechi ukanya mali ne, pano bino umwesha kuba’mba kwikala bulongo kechi kwaimenatu pa bunonshi ne. Ino magazini yalumbulula bulongo uno mutwe.”

Awake Jan.

“Nanchi mulanguluka kuba’mba bino byambo kya kine bikafikizhiwa nyi? [Tangai Isaya 33:24. Apa bino muleke akumbule.] Ino magazini yalondolola sayansi byo yaubapo pa michi ya kubukilamo bikola kabiji ne milaye iji mu Baibolo byo ikafikizhiwa.”