Byakwamba Pakutambika Magazini

Kyamba kya Usopa Jan. 1

“Baibolo itukambizha kufwenya kwipi ne Lesa. Pano nanchi twakonsha kuba byepi kino byotuji bambulwakoloka? [Lekai akumbule] Jishinda jimo jamweshiwa mukino kinembelo [Tangai Yoano 17: 3] Mwakonsha kutanga muino magazini muyuke kufunda bintu bya Lesa byazhika byobyakonsha kwitufwenyesha kwiaye.”

Kyamba kya Usopa Jan. 1

“Baibolo yaamba kuba’mba umvwe twibikako nakufwenya kwipi ne Lesa, neaye ukafwenya kwipi neatweba. Pano muñanyi jishinda Lesa Mwine Wakila moakonsha kufwenyenya kubantu bambulwakoloka? [Lekai akumbule, apa bino mutange Byambo bya Mana 2:3-5] Ino Magazini yaamba Lesa byoepana aye mwine amba bantu bamuyuke.”

Kyamba kya Usopa Jan. 1

“Kimye bantu kyobafwisha mutemwe wabo nangwa umvwe waponena mumisongo, javula bezhinausha’mba, ‘Nga mamboka Lesa kyoaswishisha bino kubiwa?’ Kampe neanweba mwakizhinaushapo kala byonkabyo. Baibolo imwesha kuba’mba Lesa wibomvwina lusa aba bamanama. [Tangai Isaya 63:9.] Ino Magazini yalumbulula byotwakonsha kuketekela kuba’mba Lesa ukafumyapo lumanamo.”

Kyamba kya Usopa Jan. 1

“Byotwabula kuyuka juba Nkambo joakeya nakonauna buno bwikalo bubine, bwikalo bwetu bwafwainwa kwikala bwañanyi mutundu pajuba nejuba? [Lekai akumbule, apa bino mutange Mateo 24:42] Kojiji jishinda jotwakonsha kwinengezhezhamo pakuba’mba umvwe aja juba jafika kechi tukonaikane. Mwakonsha kutanga byavula pakino muino Magazini.”