Twajijilai Kumwenamo mu Kyamba kya Usopa ne Loleni!
Pano kunembesha kwamagazini a Kyamba kya Usopa ne Loleni! byokubapwe, twafwainwa kwibikishako kuba’mba atweba bene, neboba botusapwilako, kechi tubena kupuswa kutambulako kope nangwa imone.
Makope Akyenu kyenu: Umvwe kunembesha komwanembeshe kwapwa, yayi kubalongo bengijila kumagazini munungisheko oda wenu. Bansemi bafwainwa kuoda magazini avula pakuba’mba bonse mukisemi pamuntu pamuntu ekalengako nakope wanji. Umvwe mwanemba jizhina pakope yenu, kikemukwashako kubula kwiitambika mubujimi. Umvwe magazini afika, balongo batalapo bafwainwa kwiatanchika bukiji-bukiji pa Nzubo ya Bufumu.
Mitanchi ya Magazini: Basapwishi bafwainwa kwibikako kutana bobasakutwajilanga magazini baji nalusekelo lwakufunda bukine bakeba kutambwilanga makope onse eyanga. Kutwalanga magazini atweba bene kubantu bauno mutundu kuketupako jishuko jakubwela kubamwesha lusekelo nekutatula mafunjisho a Baibolo.—Monai Mwingilo Wetu wa Bufumu, wa Kibemba October 1998, peja 8.
Aba Bakeba Bukwasho Bwiikajila: Umvwe muntu wikela munyaunda yomubula kusapwilamo javula wamwesha lusekelo, mwafwainwa kumunembeshesha kuba’mba atambwilenga magazini muposhita. Umvwe muntu wikela munyaunda yakipwilo kechi uji pamutanchi waboba batambwila magazinine, bino saabena kukeba kutambwilanga magazini, bulai Kometi ya Mwingilo Mukipwilo. Umvwe yaitabizha, mwafwainwa kumunembeshesha magazini uno muntu ubena kukeba kufunda bukine. Ingijishai mapepala a (M-1 ne M-101) kuuno mwingilo.
Twaketekela namba Yehoba ukatwajijila kwitupesha pakwibikishako kwetu kwakuyukisha Bufumu kupichila mu Kyamba kya Usopa ne Loleni!