Byakwamba Pakutambika Magazini

Kyamba kya Usopa July 1

“Nanchi mulangulukapo’mba ano makatazho otujimo akapwanyi? [Tangai byambo bitanshi biji pamutwe mutanshi, nekumuleka akumbulepo.] Byambo byanembeshiwa kwi Lesa bitulaya’mba ano makatazho bukumotu akapwe. [Tangai Masalamo 72:12-14.] Kino Kyamba kya Usopa kyalondolola ano makatazho byoakapwa.”

Kyamba kya Usopa July 1

Umvwe mwina Kilishitu waumvwa nobe mawi abantu nangwa keomvwe jiwi jamuntu ubena kwamba bino mwine ubena kwamba kumumonane, nanchi kilumbulula’mba bamulukuka kuba demona nyi? Abya inge bauba’mba baye nakumupima-pima kukipatela bafwainwa kutana kuba’mba wakolwanyi, inyi kulubankanatu kwa ñingijilo ya tuzhilezhile twa mishipashipa nebikwabotu? Nga aba boba byakupima-pima batana’mba kika kilengela? Ano mepuzho akumbulwa mumutwe uji muino magazini.

Kyamba kya Usopa July 1

Nangwa kyakuba kuji bantu beseka-eseka kuwamisha bintu, makatazho apitamo bantu abena kuyilakotu palutwe. Jishukoka jijiko jabumulwila ntanda jakupwishishamo makatazho? Kwambatu kine, mashinda mwakupwishisha makatazho akepa. Nanchi kino kilumbulula’mba pano bintu kyapwa kechi bikawama nenyi? Kwepi kukwabo kotwakonsha kuketekela? Mitwe yalondankana iji muino magazini yakumbula. Naketekela namba musakutemwa bingi kutanga byambo bijimo.

Kyamba kya Usopa July 1

Umvwe muntu wiipaya mwine, abya kyawama mwina Kilishitu kwamba jashi jakijilo kyauno muntu nyi? Pakuba kwi Yehoba bumi byobwanema nekuzhila, Umona byepi kwiipaya? (Sala. 36:9) Ñanyi makatazho alengela bantu bamo kusalapotu kwiipaya? Ñanyi mashinda amo atanwa mu Baibolo akonsha kukwasha bantu kuba’mba baleke kwiipaya? Nga Baibolo yambapo’mbaka paluno lukatazho? Mwane tangai anweba bene ino magazini kuba’mba mutane mikumbu. Mbena kwimushilayo.