Bya Kwamba pa Kushajika Magazini

Kyamba kya Usopa May 1

“Bantu bamo balanguluka pa bintu byonse bibamwekela mu bwikalo bwabo, kuvwangako ne bya malwa kuba’mba, abino byonse kyo kyaswa muchima wa Lesa. Abya anweba mwakilangulukapo kala bino nyi? [Lekai akumbule.] Bantu bavula bayuka luno lulombelo. [Tangai Mateo 6:10b.] Nanchi kubiwa kwa kyaswa muchima wa Lesa ko ku ka, kabiji kukobiwa kimye ka? Mu uno magazini muji mukumbu wafuma mu Baibolo.”

Kyamba kya Usopa May 1

“Bwikalo bwa bantu bwaluwankana mu ntanda bwakonsha kwitulengela kimye kimo kukankalwa kumwesha lusa, nangwatu kukeba kushinkanya na bantu babula lusa. Abya mwayukile’mba Baibolo iji na byambo byawama byakonsha kwitukwasha kuchinchika ku lukatazho lwa yenka uno musango nyi? [Lekai akumbule, apa bino mutange Loma 12:17.] Mukamwenamo bingi pa kumona Baibolo byo akumbula bulongo mu iwe mutwe waamba pa kumwesha lusa ku bantu.”

Kyamba kya Usopa May 1

“Mu kwibikishako kwa kukeba kuwamisha bwikalo bwa bantu, bantangi bamo ba bupopweshi betumpa mu bya bumulwila ntanda. Nangwa byonkabyo, akilangulukai pa byaubile Yesu kimye bantu kyo bakebelenga kumubika pa bufumu. [Tangai Yoano 6:15.] Yesu watesheshe muchima ku bintu byakonsheshe kuletela bantu buwame bwa myaka. Uno magazini walumbulula bino bintu.”

Kyamba kya Usopa May 1

“Byo kiji kuba’mba bwanyike kechi bubanda ne, mu myakatu icheche mufikenatu mwakoma, bika nanchi byo mwakonsha kuba mu kimye kyenu kya bwanyike pa kuba’mba mukekale bwikalo bwawama kulutwe? [Lekai akumbule.] Akimonai kino kishinka kiji mu Byambo bya Lesa byo kyakonsha kukwasha muntu kuba bulongo. [Tangai Musapwishi 12:1.] Uno magazini walumbululapo bitewa, muntu byo afwainwa kuchinuzhuka pa kuba’mba ekale bulongo kupichila mu kwibikila bikonkwanyi byawama.”