Lunengezho lwa Bukumo lwa Kwitukwasha Kuzhila Mashi

Jibumba Jitangijila janengezha kikachi kya bukumo kya mizhilo ya kuñimenako kyanungako byambo bikwabo bya kwituzhikijila pa bya kuzhila mashi, kyo tukatelanga amba kikachi kya DPA.

Kikachi kya DPA kikengilangatu kikupu kabiji kikekala kya kwimwimenako mu byo mukeba kubukwa umvwe mwaya mu kyalo kingi. Kulutwe, mwafwainwa kunemba kikachi kikwabo kya DPA umvwe (1) mubena kukeba kupimpulako bimo bimo pa kikachi kya DPA, nabiji kupimpula byo mukeba kubukwa, bantu bakwimwimenako, makeyala, ne manambala a mafoni, nangwa (2) umvwe kikachi kyenu kya DPA kyaeleka nangwa kyaonaika.

Saka mukyangye kunemba kino kikachi kya DPA lombelelaipo na mukoyo kabiji ne kwikinemba bulongo ku nzubo yenu. Pano bino, saka mukyangye kusaina kino kikachi, kyanema kumona kuba’mba mwalondela bulongo mizhilo ya kwikinembelamo. Kya kumwenako, umvwe kikachi kyenu kibena kumwesha kuba’mba batumonyi babiji bafwainwa kumonako na meso kimye kyo mubena kusaina, monai kuba’mba pobaji kimye kyo mubena kusaina kikachi kyenu. Bakulumpe ba lufunjisho lwa buku bakonsha pa kimye ne pa kimye kushikishanga boba babula kunemba bikachi byabo bya bukumo kabiji ne kumona mashinda a kwibakwashishamo.

Saka mukyangye kuchimpa kino kikachi kya DPA, ubaiko fotokopi makope akwabo, imo ya kupa muntu mutanshi wa kwimwimenako, wa bubiji, dokotala wenu kabiji ne ya kubika mu fwailo wenu. Kabiji mwakonsha ne kupapo kope imo ba mu kisemi kyenu ne munembeshi mu kipwilo kyenu. Makope afwainwa kwikala pa kipepala kyabaya bulongo. Mwafwainwa kusunga kikachi kine kya DPA, kechi kyokya kyo mwauba fotokopi ne.

Kakikachi ka Identity Card panembwa juba ja 3/99 ka baana babula kubatizwa ba Bakamonyi kechi kapimpulwa ne. Bansemi bafwainwa kumona kuba’mba kakikachi ka mwana yense wa mucheche kanembwa bulongo kabiji ne kusainwa, ne kumona kuba’mba mwana ubena kwikasenda kimye kyonse.

Basapwishi babula kubatizwa bakonsha kwingijisha byambo biji pa kikachi kya DPA ne Identity Card pa kuba’mba banembe mikambizho ya byo bafwainwa kubukwa abo bene ne ya baana babo. Munembeshi wafwainwa kupa basapwishi bonse babatizwa katataka kikachi kya DPA.