Kupwila kwa Kijiiji Kubena Kwiya

Mu ano moba a kupelako mu ntanda mwabula bukishinka, kyanema bingi kutwajijila kuvwala bivwalo bya ku mupashi ne kulama kayukilo ka bwina Kilishitu bwetu. (Lum. 16:15) Onkao mambo nanchi kyafwainwa bingi kwikala na pologalamu wa kupwila kwa kijiiji kwa mwaka wa mwingilo wa 2006 uji na kishina kya kuba’mba “Vwalai bumuntu bupya.”—Kolo. 3:10.

Juba Jitanshi: Jashi jitanshi ja kushilañana ja kuba’mba “Kumwesha mbaji ya Bumuntu Bupya,” jikalumbulula bulongo kwikala na bumuntu bupya byo kwafwainwa kwitukwasha mu mbaji yonse ya bwikalo bwetu. Twikala byepi na bumuntu bupya? Kino kikalumbululwa bulongo mu majashi abiji akapelako mu juba jitanshi abena kwamba’mba, “Ifunjishai Anweba Bene Kulanguluka Languluka Bulongo” ne “Lufunjisho Lubumba Bumuntu Bupya.”

Juba ja Bubiji: Jashi ja kushilañana ja bubiji jiji na mutwe wa kuba’mba “Kwikala na Lujimi wa Bamaana,” jikamba pa bumuntu bupya byo bwitukwasha kwingijisha lujimi wetu. “Nanchi Mubena Kumushinda Mubi Nyi?” ke kishina kya Jashi ja Mvula Bantu, kikalumbulula bulongo byo twafwainwa kujimuka na tukose twa kwa Satana. Mu majashi abiji akapelako a kupwila kwa kijiiji, a kuba’mba “Ilamai Anweba Bene ku Biko bya Panopantanda” ne “Kusangulanga Bumuntu Bwetu bwa Mukachi pa Juba pa Juba,” aketukwasha kusankilapo byubilo bilwa na mashinda a Lesa aoloka kabiji ne kutwajijila bashikimana mu kupopwela Yehoba.

Byo tubena kutengelapo kutambwila luno lutundaiko lwa kuvwala ne kutwajijila kwikala na bumuntu bupya!