Bya Kwamba pa Kusha Magazini

Kyamba kya Usopa June 1

“Umvwe bemupele jishuko ja kumubula Lesa biji ku muchima wenu, mwakonsha kumwambila amba ka? [Lekai akumbule.] Ino magazini yalumbulula bulongo bantu bamo byo beumvwanga pe Lesa ne nyimbo yabo ya kumutota ayo yasungwa mu buku ye batela amba Masalamo, kuba’mba tumwenengamo.” Tangai Masalamo 40:1, 2.

Awake May

“Bantu bamo balanguluka amba, muntu pa kuba’mba ekale bulongo mu ino ntanda, wafwainwa kwikala washinta. Kupusanako, akimonai Yesu byo atundaikile kuba. [Tangai Mateo 5:5, 9.] Abya mwakonsha kuswa bino byambo nyi? [Lekai akumbule.] Ino magazini yaamba pa bintu bisatu byawama bifuma mu kwikala bamutende na bantu.” Mweshai kibaba kyatendekela pa peja 28.

Kyamba kya Usopa June 1

“Mu bisho byavula, kwajinga kimye bakikulumpe kyo bapewanga mushingi, byonka byo twakonsha kumona mu uno muzhilo wa kukala. [Tangai Bena Levi 19:32.] Nanchi mulanguluka amba uno mushingi koakiji ne ano moba nyi? [Lekai akumbule.] Ino magazini ibena kumwesha Lesa byo ata muchima bakikulumpe ne byo twakonsha kuba byonkabyo ne atweba.”

Awake May

“Bukapondo kechi bwatendeka katataka ne, pano bino ano moba bubavulemo bingi kuzhokoloka ntanda yonse, kabiji bubena kwikazha bufinda bantu bavula. Mulanguluka amba mambo ka o kyaikela bino? [Lekai akumbule.] Ino magazini ya Awake! ibena kulumbulula kufuma mu Baibolo kimye bukapondo kyo bukapwa kabiji ne Lesa byo akaleta mutende wa kine kine panopantanda.” Tangai Mika 4:4.