Bya kwamba pa kusha Magazini

Kyamba kya Usopa June 1

“Umvwe muntu wimubula’mba buyanji bonse bo tubena kumona lelo jino katatakatu bukapwe, nanchi mwakonsha kumumvwina nyi? [Lekai akumbule, apa bino mutange Isaya 55:11.] Kino kibaba kyamwesha ene mambo o twafwainwa kuketekela mu bulume bwa Lesa bwa kupwisha buyanji bonse, mambo nkebelo yanji kimye kyonse ifikizhiwa.”

Awake May

“Abya mulanguluka’mba Lesa wayukila jimo byubilo byetu ne biketumwekela mu bwikalo bwetu nyi? [Lekai akumbule.] Kwesakana na byaamba kino kyepelo kya mu Baibolo, Lesa uswisha bantu kwisajila byo bakeba kwikala abo bene. [Tangai Mpitulukilo ya mu mizhilo 30:19.] Kino kibaba kyamwesha Baibolo byo aamba pa uno mutwe.” Mumweshai kibaba kyatendekela pa peja 12.

Kyamba kya Usopa June 1

“Tumvwa javula masawakya a bantu boba byatama. [Tongolaipo kimo kyaubiwa konkako.] Nanchi kujipo muntu ubula kumweka ubena kuluwankanya bantu nyi? [Lekai akumbule, apa bino mutange Lumwekesho 12:12.] Ino magazini yalumbulula byo twakonsha kwivimbila atwe bene.”

Awake June

“Mbena kukeba kuyuka mulanguluko wenu pa kino kinembelo. [Tangai 1 Timoti 6:10.] Abya mulanguluka’mba bantu bakeba kwikala na muzema wa mali kabiji ne bunonshi bwavula bayanjilamotu nyi? [Lekai akumbule.] Ino magazini yalumbulula bintu byatama bifuma mu kukebesha bya bunonshi.”