Bya Kwamba pa Kusha Magazini

Kyamba kya Usopa January–March

“Nanchi mulanguluka’mba bamalaika bata muchima ku byo tuba nyi? [Lekai akumbule.] Umvwai byaamba Baibolo pa kino. [Tangai Luka 15:10.] Kino kibaba kyaamba pa byaambile Yesu pa bilengwa bya mupashi byo bitukunza.” Mumweshai kibaba kyatendekela pa jipa 16.

Awake! February

“Na mambo a kuba’mba Baibolo wanembelwe kala kene, bantu bamo balanguluka’mba kechi waswañana na sayansi ne. Nga anweba mulangulukapo’mba ka? [Lekai akumbule.] Bavula bakumya bingi pa kutanga bino byambo mu Baibolo. [Tangai Isaya 40:22.] Kibaba kyatendekela pa jipa 22 kyakumbula bwipuzho bwa kuba’mba: Nanchi sayansi ne Baibolo byaswañana nyi?”

Kyamba kya Usopa January–March

“Inge mulunda nenu wafwisha mulongo wanji, mwakonsha kumukwasha byepi? [Lekai akumbule.] Byo kiji kuba’mba kechi twakonsha kusangula bafu ne, mu uno magazini muji bintu byo twafwainwa kuba pa kukwasha bafwisha balongo babo.” Tangai Byambo bya Mana 17:17.

Awake! March

“Na mambo a kuba bantu bavula babena kukolwa bingi, tubena kubulako bakwetu byaamba kino kinembelo. [Tangai Isaya 33:24.] Kimye kikafika uno mulaye, mulanguluka’mba bwikalo bukekala byepi? [Lekai akumbule.] Lesa saka akyangye kuleta luno lupimpu, kuji bintu bimo byo twafwainwa kuba pa kuba’mba twikale na butuntulu bwa mubiji bwawama. Uno magazini walondolola byo twafwainwa kuba.”