Bya Kwamba pa Kusha Magazini

Kyamba kya Usopa January–March

“Pa kimye pa kimye, bantu bavula bekalapo na bintu bimo bibalengela kukeba kulomba. Umvwe bantu balomba, ñanyi bintu byo baketekela kutambwila? [Lekai akumbule, apa bino mutange 1 Yoano 5:14.] Pa kuba’mba lulombelo lukumbulwe, lwafwainwa kumvwanyika. Uno magazini waamba pa bintu bikeba Lesa pa kuba’mba akumbule milombelo.”

Awake! March

“Umvwe mwatana mwanyike, mumweshai kibaba kyatendekela pa jipa 26. Tongolai kamutwe katanshi ne kumushikisha’mba, “Nanchi wakonsha kwamba’mba bino byambo bya kine nyi, inyi bya bubela? [Lekai akumbule, apa bino mutange 2 Kolinda 7:1.] Kino kibaba kyaamba pa byo wafwainwa kuyuka pa mambo a bantu bapepa fwanka ne byo bafwainwa kuleka.”

Kyamba kya Usopa January–March

“Atweba bonse tukeba lutangijilo lwawama mu ino ntanda muji bantu baluwankana. Nanchi kujipo kintu kyakonsha kukwasha bantu kutana lutangijilo lwawama nyi? [Lekai akumbule, apa bino mutange Yelemiya 29:11.] Kibaba kiji pa jipa 28 kya mu uno magazini kyamwesha Baibolo byo aji buku wawama wakonsha kukwasha bantu kuyuka bya kwikala mu bwikalo bwabo.”

Awake! April

“Nanchi mwakonsha kuswa’mba kufwisha muntu ye mwatemwa ke kintu kimo kyatama bingi nyi? [Lekai akumbule.] Bavula bekitana kuba’mba jino jifunde jikwasha bingi. [Tangai Salamo 55:22.] Uno magazini waamba pa mashinda amo awama akonsha kwimukwasha kuchinchika, kubikapo ne byo mwakonsha kutwika Lesa kisendwa kyenu.”